【Check-In Taipei】
📌中環蘇豪荷李活道27號地舖
2-3年前同朋友食過一次，
最近有另一個朋友又約我去😛
相隔左一段時間，餐牌都換上唔少新菜式。
《麻婆豆腐手工餃 $72》
麻婆豆腐味道有d似滑豆腐配辣豆瓣醬，
一碗5-6粒，餡料超多而且多汁，
但餃子皮就有少少厚，整體口感不錯。
《明太子甜不辣 $68》
明太子落重本，辛辣帶Creamy口感，
甜不辣質感Chewy幾得意，不過有少少油膩。
《雙色鹽酥雞 $88》
份量大到有d嚇親，7件圓咕碌鹽酥雞，
岩岩炸起新鮮熱辣，肉嫩多汁。
有柚子同黑松露兩款醬汁，
我比較中意柚子清新微酸的味道，中和一下膩感；
黑松露醬亦不錯，有新鮮感，好香好Creamy。
《爆蔥牛肉麵 $118》
可以選擇刀削麵或寬粉絲，
Q彈仲吸收曬湯底精華！配料豐富，
有牛面、百頁豆腐、香蔥、炸蟲草花及溏心蛋，
大大件的牛面煮得超腍，輕輕一撕已經分離，
香蔥同炸蟲草花令整體味道更有層次，
炸蟲草花特別有驚喜，脆脆地好有口感。
旁邊提供的辣牛油，用純牛脂肪及香料辣椒製成，
微辣之餘，食到濃郁的牛味，
就好似牛精華咁，提升到湯底的香味，
呢個好建議大家要落😛
——————————————————————
美味指數：⭐️⭐️⭐️⭐️
抵食程度：⭐️⭐️⭐️⭐️
回頭率：⭐️⭐️⭐️⭐️
Iris Tsang
