Fo Shui Lo

《火水爐冰室火鍋》 #食在旺角 #打邊爐 📍 旺角煙廠街33號朗廷m軒1/F 【懷舊主題餐廳 - 港式打邊爐 】 之前見餐廳風格獨特，一直Bookmark左依間極懷舊70年代既打邊爐，今日終於有機會黎食下。大概晚上九點黎到，入座率都有九成以上。的確人氣唔錯！ 由門口到樓上既佈置都充滿懷舊氣色，適合打卡。夜總會招牌同一列排開火水爐最為搶眼。沿用古舊設計的座椅和擺設，好配合主題。 今次就就揀左$258既安格斯海鮮火鍋任飲任食套餐。 有得食雞煲之餘又有得打邊爐，好豐富咁！ ________________________________________________ 🔹安格斯海鮮火鍋任飲任食套餐🔹 每位$258 (2位起) 🔸 花膠雞煲 可選辣既程度，如果唔食辣叫走辣一樣得。雞煲SIZE唔算話好大，但千其唔好睇少雞既份量。兩個女仔食，都覺得幾多。整體滾得好惹味，雞夠多肉，配料都十分入味！ 🔸 星州肉骨茶鍋 拼 泰式冬蔭功鍋 只要每鍋加$28就可以試到鴛鴦湯，不同口味自己配搭。今次揀左肉骨茶拼冬蔭功，完全自製東南亞口味哈哈！肉骨茶鍋胡椒味重，藥材味較輕，唔辣。 冬蔭功鍋酸酸辣辣，非常開胃，少辣。 🔸 海鮮拼盤 食材擺盤成座山咁，勁豐富。有蠔、大蝦、花甲、魚肉片、青口、墨魚滑。雖然無得refill，但都好夠食。唔夠可以再叫下其他火鍋配料填下肚。 🔸美國安格斯牛小排 / 美國珍寶肥牛 對於我依個牛魔王，依上依兩款牛絕對合格有餘！每一片都好長好大片，有少少雪花，脂肪分佈平均。重點可以任叫😍 🔸雜果紅豆涼粉沙冰 食到勁飽，原來重有甜品。黎到嚇左跳，因為都幾大碗，但都盡量食。有加煉奶，唔會太甜。食左2個半鐘，好完滿既一餐。 ． by VIN 環境分數: 8/10 食物分數: 7/10 #2018聖誕

朋友介紹下，知道呢間火鍋店啲料質數唔錯，兩百幾蚊有安格斯牛任食，而且預先book位仲有雞煲送。 鋪面用左舊式戲院做主題。 鋪入面就係啲懷舊既裝修，台凳都係舊式格調。 我地就叫左每人258既餐。湯底有唔少款揀，有啲要加錢都只係十幾廿蚊。 送既麻辣花膠雞煲，渠可以揀唔辣的。 我地叫左個傳統既沙爹湯底，好香濃！ 初頭以為渠會食完雞煲再加湯就算，但原來系另外比過個煲你。 先黎左個海鮮拼盤(非任食)，蝦同魚片好鮮甜，啲蠔好肥美，墨魚滑好彈牙。 安格斯牛小排，肉質同油脂唔錯，食落唔韌，每次比既份量唔會得過幾塊咁孤寒。 每塊都好大塊，正！ 芫荽控既我比我發現可以剩系叫芫荽食，當然encore左幾次！ 其他火鍋料既質數都唔錯。 叫埋單既時候渠地送左個甜品黎，個甜品都唔係普通大煲出黎既野。 打完邊爐食個刨冰，成個人涼哂~ #10月活動B

說實話，當我經過火水爐門口看到這個牌的時刻，我有懷疑過餐廳是否轉了。原來不是沒有火鍋了，只是午市這裡會變成了麵舖。 這餐牌是 火水爐 x 陳仕偉 好到底麵館，陳仕偉是星級廚師，也是好到底麵館第二代。 燕餃水餃麵餐 $66 麵餐都跟飲品和菜，麵也算大碗。 水餃頗大件。 內有蝦肉、豬肉、木耳等餡料，口感爽中帶脆，味道亦不錯。 麵條條條分明，口感爽滑有彈性，入口有香無鹼水味。 湯底鮮甜順喉，味道不過鹹。 金牌上湯雲吞 $40 一碗八粒，大小恰到好處，皮薄餡多。 蝦肉和豬肉的比例剛好，口感油潤不膩，肉質鮮嫩，蝦肉爽彈。 招牌蝦籽撈麵 $40 蝦籽很香，而且份量沒在省的灑在爽彈麵條上，再加少許大地湯微濕地入口，更覺美味。 秘製豬手 $48 燜到很入味，豬手軟稔易起骨，肉的部分入口鬆軟，皮層啖啖膠質入口溶化。 整體來說質素不錯，不算便宜但份量不少，沒有很重味精感，吃完不涸喉。 #9月活動