Delicious Cafe (Sham Shui Po)

今日因為工作關係嚟到深水埗和味餐室食咗個快lunch。呢度最出名滑蛋叉燒飯，其他燒味都好似唔錯。 滑蛋叉燒飯來講你都見到佢嘅份量唔細，而且都真係足料嘅叉燒啊！個人覺得蛋係非常香，唔會話好油，但食曬成碟都幾「漏」。 我就叫咗碗叉燒燒鴨瀨，啲瀨粉好彈牙，又唔會斷開曬，幾好食。燒鴨幾香唔錯，唔會太肥。但叉燒我覺得浸住湯食都唔係咁好食，佢唔多汁所以碗湯都唔係算好香，反而清清地咁。總括來講呢度嘅份量同價錢都幾相宜。