呢間小店係中環開業不久就馬上同朋友一齊來享用，睇個名Hello Lobster就已經知佢地主打用龍蝦嚟做菜式。但問題係我好似唔多覺有龍蝦肉，反而用龍蝦汁煮既菜式就多D，如我地點咗蝦佬龍蝦汁燴雞配龍蝦汁飯和龍蝦汁焗豬扒飯。
食物到手既第一印象就覺得D龍蝦汁都算幾濃郁又好香龍蝦味，但食落就感到淡而冇乜鮮蝦味，唔夠突出，雞件冇味得嚟又鞋口。
個龍蝦汁焗豬扒好硬同埋唔夠嫩滑，好彩有芝士搭夠先至有番D味，大約$54 一個餐，不包飲料。最後如要配熱飲另加$6，特飲$12，呢杯玫瑰花檸檬蜜，我就俾個讚嗱。有數朵大大粒嘅玫瑰花，配埋檸蜜，非常好飲又養顏。
