價錢超抵，用料又新鮮，每人$198免加一，包括有7款時令海鮮、5款配料，最後會加埋南瓜、芋頭、粟米、豬油渣、榨菜等落去煮返個粥。
當晚嘅7款海鮮有：膏蟹、貴妃蚌、鮑魚、多寶魚、大蝦、花甲、蜆。膏蟹每人半隻🦀，中間爆哂膏😍，非常滋味。大蝦隻隻都仲好生猛🦐，打間個蓋啲蝦自己跳出嚟。貴妃蚌同鮑魚都好大隻又有鮮味，貴妃蚌質地爽甜。花甲同蜆就一般，但其他海鮮都好正😋 其實未食完海鮮都飽咗大半，條多寶魚我哋完全冇食過打包拎走。
配料可以揀5款，有手打雞骨丸、西班牙黑毛豬、美國肥牛、黑毛豬肉丸、美國雞件、花枝丸、貢丸、響鈴、油炸鬼、獅子狗魚蛋、炸魚皮、午餐肉、炸魚腐、多款蔬菜等。
而我哋就揀咗手打雞骨丸、西班牙黑毛豬、美國肥牛、黑毛豬肉丸、花枝丸5款。大愛手打雞骨丸！肥牛同黑毛豬腩片都唔錯。
打完邊爐之後，最後會加埋南瓜、芋頭、粟米、豬油渣、榨菜等落去煮返個粥，個粥底充滿海鮮嘅鮮味，非常和味😋
