唔知味道算唔算正宗，不過真係幾好食😋 Banh Mi嘅法包外脆内軟🥖，完全唔會過硬過韌難咬開。
法包中間夾住豐富嘅材料，如自家製肝醬、酸瓜、蘿蔔、幾款唔同嘅切肉、芫荽、洋蔥等，食落啖啖肉而不失清新。
調味惹味帶點香辣，但食到中間有啲辣椒好辣🌶🙈
除咗越式法包，仲叫咗牛肉粉(Būn Bō Hue)同炸春卷(Cha Gio)。
牛肉粉湯頭味濃帶點香辣🌶 麵條似粗身嘅米線但偏硬身。配料滿滿的有彈牙嘅牛丸、肉質又稔又軟嘅厚切牛腩，附一層綿綿嘅油脂、牛肉片、魚肉春卷、炸香葱等，非常豐富，感覺餸料比麵條多。味道其實還不錯，但食完口渴咗好耐🙈
炸春卷一客5件，春卷皮較一般厚身，咬下非常香脆亦不會膩，中間係滿滿豬肉芋頭餡料，感覺非常實在。
