agnes.the.foodie

中環新開嘅麵店🍜，主打無加MSG嘅粉麵。試咗特色檸檬雞湯烏冬、慢煮手撕雞炒金邊粉、另外仲自選食材組合，揀咗牛滑湯肥牛肉丸海鮮金邊粉同香辣蒜蓉醬什錦炒烏冬。
可能因為無加MSG，所以味道大都走清淡風，不太合個人口味，但份量真的不少，炒粉麵都滿滿一大碟！雞湯味道偏淡，牛骨湯味道亦不到濃味，但味道較雞湯香。湯烏冬質地類似讚岐烏冬，比較軟滑煙韌；炒烏冬係圓身嘅烏冬，質地無湯烏冬好，不夠煙韌，有點糊口。香辣蒜蓉醬算係最惹味嘅醬料，辣度頗高。
小食方面覺得烤燒慢煮秘製日式叉燒不錯，雖然其實係腩肉，但烤得頗香亦入味。