同同事黎食飯，都系簡簡單啤嗌set dinner算，廢事走黎走去又唔方便傾計。加上四道菜晚餐又系二百蚊左右，乜都有齊曬，仲方便。
Parma Ham沙律: 普通一塊巴馬火腿加少少黑醋配簡單沙律。
周打魚湯: 以忌廉做base，再加海鮮同蔬菜後煮，所以香甜得黎又有少少fresh既感覺，但又唔會膩。系鮮度爭少少。
炸軟殼蟹煙肉卡邦尼意粉 ($188/套餐): 軟殼蟹炸得幾香酥惹味，啖啖肉又真系幾正。至於卡邦尼汁都算煮得creamy，該有既味道都有，算系唔錯。但可以多少少double cream同芝士。
安格斯牛小排伴虎蝦伴香辣燒烤汁 ($268): 牛小排有少少肉鑊仔牛柳既感覺，稍薄，軟腍有肉味，但唔夠prime。至於虎蝦就好大隻，成隻手掌甘大，好厚肉而又爽口彈牙，隻蝦真系世界級。
芝士餅配雪糕: 芝士餅系New York Cheesecake，質感偏結實有質感 (我較鍾意甘樣rather than太鬆軟)，食落芝士味都夠濃，唔錯。雪糕就只系一般雲呢拿雪糕。
咖啡都唔錯，專登叫佢沖濃少少唔加甘多水，雖然唔系好top，但都夠香。
