終極八點盛合刺身 $488 呢道是最貴的刺物菜式，可以食到八款鮮新的刺身，份量頗大，所以必食推介，淨係賣相已經好滿足。
先食左口魚刺身，沾醋汁食，帶出刺身鮮甜味，魚肉切得透薄，滑溜有彈性，味道較清淡而帶甜味。
牡丹蝦係我至愛之一，其鮮嫩微爽彈肉質，加上蝦肉扎實的豐富口感，盡顯甘甜的海鮮味。
活赤貝其實平常少食到，多數去高級或價錢較貴的餐廳才有供應，赤貝好飽滑，肉厚而爽口，極富鮮味，所以深得我心，不能錯過的刺身。
海膽比一般的大塊，味道濃郁，也不腥，只係不夠甘甜味，也算不錯。
鯛魚做刺身一流，其魚油剛好，不會太油也不會太清淡，口感肥而不膩。肉質細膩綿滑，若魚皮經火炙一下更吸引。
油甘魚腴盈肥美，肉較腍滑，主要是魚油吸引我，魚味更重，同樣油份也更多。
深海池魚呢類白身魚，先食會較好，因為味道較清淡，肉質都結實彈牙，入口清爽味甜。
拖羅留到最後食，因為肥美魚油豐富，脂香溶化口中，味道久久不散，加上超級大片，要兩三口才食完，非常滿足味蕾，所以絕對超值。
福丸盛合壽司 $188 有齊八款壽司，也與刺身的款式不同，所以可以食到更多魚類美食。醋飯調味也較重，所以不用沾太多調味，輕輕沾點醬油加點芥末就很美味。
火炙左口魚邊，入口快要化開的魚油豐富味道，個人都幾喜歡，而且經火燒過，迫哂魚油的香味出來。
帆立貝好厚身，用較大且貴價的尺寸，雪白嫩滑又鮮甜，令人回味的壽司。
鰻魚壽司用醬汁幾好，不過太甜口，令魚肉更惹味，也食出燒過的香味。
油甘魚壽司，因為魚肉切得不會像刺身厚，而且食落似油甘魚幼年，味道冇成熟的油香味濃，但就較嫩，仍有魚油香。 特別一讚反而赤身，吞拿魚較瘦的部位，我向來都不太愛好，但今日一食才知，原來赤身可以咁嫩咁香咁鮮味，超好味，超出我期望。以往我都是白食的，今日才食到真正赤身。
鐵板燒龍蝦 $298 原隻龍蝦用鐵板烹調燒煮，熱辣辣上菜，擺裝華麗，賣相奪目耀眼。份量又幾多，龍蝦肉飽滿，肉質非常爽彈，加上醬汁惹味帶有龍蝦膏的濃郁風味。
海膽蟹膏甲羅燒 $88，蟹殻上放滿食材，有蟹肉、蟹膏、蟹籽、海膽和鵪鶉蛋。侍應會幫忙用枱邊的小爐燒熟，其他貝類食材都會在客人面前燒熟食物，有得睇有得食，好有特色。 將所有材料搞勻再燒。蟹殻其實好薄，所以整個過程都好快燒完，而且一邊燒一邊傳來蟹膏香味，令人期待。
燒好的蟹膏是軟身如糕狀，入口都滑，夾雜蟹肉甜味，海膽濃香和粒粒有咬感的蟹籽，味道濃厚。 而且重點不咸，因為以前食過其他餐廳，都偏咸，呢間餐廳做得好好。
芝士奄列炒麵 $88 其實女仕食到呢度都飽，但男仕想食飽肚菜式，就可以點呢個炒麵。奄列飯食得多，但用多包著炒麵就未食過，仲內藏芝士，拉出長長芝士絲，好正好滋味，仲有好多豚肉片來炒麵，配微甜醬汁好開胃，連我麵忍唔住食左1/3。今次真係好滿足。
