食物選擇貴精不貴多 夜晚主要係set 為主 細心睇 一個appetiser 加2個主食都係$338而且仲要冇加一 2個人好夠食 叫左一個set dinner share食
Appetizer 牛肝菌雲吞配黑松露忌廉汁
份量唔細 都有4粒 2個人岩岩好 牛肝菌好香 雲吞好有口感 黑松露忌廉汁好香滑 唔係用粉溝出黎ge 個汁用黎配意粉食應該都係一流 真係勁香勁滑
Main 美國肉眼扒配黑椒汁（7成熟）
少有價錢平得黎又好高質ge牛扒 唔會煎到好乾 仲保持到肉汁 而且好嫩 加埋黑椒汁令牛扒鮮味更加升華 份量十足 配菜都好好食
南瓜蟹肉意大利飯
蟹肉份量都算多 意大利俾d南瓜包圍住 每一粒飯都充滿南瓜 身為南瓜愛好者ge我 好鍾意 仲有塊芝士 加埋提升左成個飯ge香味 正正
最後都係忍唔住叫左個甜品 因為老闆話係佢地自家制出面食唔到 係連雪糕都係自家制ga 心太軟 有別於出面ge心太軟 佢入邊係紅莓朱古力醬 酸酸地反而冇一般ge心太軟咁漏 埋單都係$400 2個人 好扺食 後尾同老闆傾計先知 原來呢度係可以包場 下次gathering 又有落腳點啦 提提大家呢度淨係收現金ga ja
