環境幾靚，但食物就一般般。lunch set有湯餐包飯同野飲就大概68再加一，價錢都合理。講下食物既質素，個湯有少少稀，還可以接受，不過個餐包真係不得了，個包硬得黎又好乾，食左2啖完全食唔落。到個飯，叫左泡菜炸雞芝士焗飯(佢本身有個好聽啲既名，不過我唔記得)，睇落都ok既，同埋諗住佢個配搭都幾新奇，點知。。好似一啲都唔match，泡菜就辣辣地，配咸咸地既芝士，配飯食都幾有趣，唔難食既但就覺得唔係幾match，另外就係炸雞我唔知佢係想配埋啲汁一齊食定點，我個幾件雞都好似係分開左，純粹炸完放上去咁，完全冇汁，但又岀奇地唔係好乾。飲品就叫左凍檸茶，可以自己落糖漿，正常啦。
不過今次都係叫左少少野姐，唔可以以偏概全既，見到隔壁枱叫左炒飯看似都ok既，都可能有機會會再去食，加上價錢都不錯，不過呢個泡菜乜乜飯真係不可一不可再。
另外係呢到都有少少特色既啲佈置，坐下係到飲野，都唔錯架。
