📍Saravanaa Bhavan
.
1. 特制薩拉維亞套餐（$120）
哩碟野上檯個陣真係有surprise到 因為好多唔同既醬汁 仲配左飯同埋印度炸餅/煎薄餅比你可以一齊食
岩岩check番menu 發現佢啲醬既名分別係：酸辣湯、辣豆、配菜、印度香料、雜菜扁豆醬、特色印度酸咖哩、乳酪、牛油奶、特製鷹咀豆酸奶(唔對住真係唔知食緊咩😵）
至於啲醬好唔好食 其實我個人覺得大部分都好食既 只係有啲強烈少少 辣既同鹹既醬可能比較岩撈飯食 而個啲酸甜既跟餅食會好啲 不過對於從來未正式食過印度野既我黎講 哩一個set真係味覺上既大爆炸😹😹
.
2. 印度芝士炒飯（$70）
圖2最左最細個兜飯 唔流我點講 大家睇到都知佢落左好多香料 睇落去有啲似韓國人平時都會食既撈飯 食落好好食 佢仲配有啲yogurt sauce比你加埋食 不過加唔加其實都已經好正🤤
.
3. 蔬菜咖哩（$70）
圖2中間個兜 哩個係我超想打包番屋企撈飯繼續食既醬！雖然我食個陣係跟煎薄餅 但我相信佢撈飯都超級好食😋😋😋大推！
.
4. 酥炸茅屋芝士油條（$70）
圖2右下角 睇到係咪覺得好中左幅射既麥樂雞呢？ 其實佢唔係麥樂雞 入面係芽屋芝士 不過食落去個textture似食緊雞肉咁 唔係好食到個芝士味🤔 但係炸完咁樣又幾好食😋
.
5. 芒果拉昔 （$35）
Texture有啲啲結 飲落去好好味 不過其實飲許留山芒果甜品啲汁既味🤣
.
6. 特色奶油牛奶（$25）
聽落去以為係甜甜地既牛奶 但飲落係酸既juice 已經飲唔出係奶定咩 就咁叫哩杯野飲應該會覺得好難飲哂成杯 不過食完咁多重口味既醬飲 出奇地覺得好解渴 我諗哩杯扁係幾傳統既印度野飲 可以一試 但我諗下我都係叫番mango lassi😹
.
第一次正式咁食印度野 食之前以為真係要用手食飯 結果其實佢地都係有餐具既 不過間餐廳真係好多好多印度人 佢地真係用手食😹 諗番其實都應該體驗下🤔
哩間啲野食好好食又夠食 不過小心就係佢地啲樽裝水原來要額外比錢 我地唔小心飲左 所以你地去都要小心啲😹
同埋聽講露天個啲位風景唔錯 不過我今次就無出到去 大家去既話可以主動啲request坐出面🤪
另外 哩到啲staff都係印度人黎 所以我地落order係用英文 不過好搞笑係當我臨走個陣佢地執檯問我仲要唔要 我答”yes, I am finished” 點知個waiter用極純正同我講廣東話叫我”食埋佢”😹😹😹
.
地址：尖沙咀亞士厘道23-25號雅士利中心4樓
