最近睇電視成日都見到呢間火鍋店嘅廣告贊助，個名話係養生鍋就決定去試一試，睇下點樣養生法。
約埋朋友去食，湯底當然有辣有唔辣。唔辣嘅係美人湯之桃膠烏雞湯 - 有桃膠含豐富膠原蛋白，原隻烏雞配以杞子，南棗及金華火腿老火肴制湯底。另外一款就揀咗麻辣鍋，仲可免費追加鴨血一份，因本人唔食辣，所以評語欠奉。
整體所有火鍋材料都算新鮮，但份量頗細。極上雪花肥牛，脂肪分佈平均，係全晚既主角食物，唯有再encore 多一碟。響鈴比較單薄，冇乜咬口。
最後提提大家呢度只收現金，所以記得㯲咗錢先嚟食呀！
#聖誕2018
