同事又有好介紹，佢話呢間Diletto 係星期一至四既Afternoon Luxury Tea Set 做緊特價至今個月中，包兩杯regular Tea and Coffee（$328兩位）, 如果要Premium Tea加$20，不過要經某Apps 訂枱先至有。所以就襯老工放假日，自己又攞假同佢一齊去享受一下。
終於去到尖東近漆咸道余仁生店舖，就係店既旁邊有一條樓梯通往餐廳。一入店內就感覺到佢嘅裝修好特別，周圍都以花為擺設，樓底高還有一大片玻璃窗，所以靠窗的位置比較光猛。
講真呢個Tea Set真係啱曬OL 或女士們嚟打咭。先嚟個English Scones，有兩件，伴蘋果粒粒嘅果醬和Honey Mascarpone Cream。不過我比較喜歡個蘋果Jam。4件cookies唔知係咪擺耐咗，淋咗少少，唔夠鬆脆。
侍應們都很好服務，當端上個主角雀籠時，第一時間已經話可以幫我們拍照。
呢個Tea set 都唔係全部甜點既，亦都有一半是鹹點，所以唔會話怕好肥。整體食物質素都算有水準。這裏環境寧靜，又唔趕客，坐得舒適，同朋友嚟吹吹水，消磨一個下午都值得啦。
#2018秋
