《麵鮮醬油房周月》 #中環 #沾麵
📍中環歌賦街5號地舖
當朋友們個個都知我鐘意食沾面，不約而同大家都向我推薦周月。資料搜集後發現，原來周月連續四年入選米芝蓮餐廳。今日終於有時間黎潮聖一下！
好彩周末下午時分四點幾黎到，唔洗排隊直入。門面夠搶眼，用毛筆字同木做搭配店，不失一份霸氣。(走個時忍唔住要拍照留念) 店面同一般拉麵店差唔多，一入門口分兩旁孤獨位坐。一邊向畫有愛媛縣既壁畫牆，一邊向Bar枱望住師傅廚房工作。
照平常用紙落單就可以，分左食物同餐品兩張紙。餐廳亦都好細心，枱面上有提供即棄圍裙同髮圈，唔怕彈污糟衫褲。
________________________________________________
🔸燒黑豚沾麵 (200g) $115
為左香港人既唔同口味，湯底可選濃汁或淡汁。一向重口味既我，唔講都知一定揀濃，咁先試到個湯有幾真材實料。沾汁由醬油、日本醋、魚粉 (以沙甸及鮪魚製成，味道非常獨特。沾汁入面有荀同大量黑豚粒，唔驚無餸食～拉麵面亦有幾片黑豚肉同半隻溏心蛋。
麵底除左揀冷/熱溫度外，仲有得用相同價錢要求唔同份量既麵(100g/ 200g/ 300g)。今次有啲餓order左200g，岩岩好食哂，有九成飽。細食既揀100g就好，唔好浪費食物啊！
🔸燒黑豚肉拉麵 $105
拉麵湯底一樣可以選擇濃湯/淡湯，今次就試下揀濃湯。湯底夠熱，濃度亦十分足夠。除了飲出魚湯味之餘，鹽味都偏重。
估唔到視覺上都有驚喜，湯中有啲閃閃地既一片片，個人覺得唔係油。可惜問店員係咩黎，她反問會唔會係油😂而拉麵本身比較普通，屬於其他拉麵店也看見的幼身麵。
🔸愛媛縣蜜柑汁 $30
愛媛縣以盛產蜜柑聞名，一於試埋蜜柑汁！
包裝幾靚，甜度與酸度岩岩平衡得幾好，略嫌太貴。
🐮周月和牛祭 Shugetsu Wagyu Feast🐮
日期：10/9 - 31/10/2018
有多種和牛丼飲同拉麵選擇！
．
by VIN
環境分數: 7/10
食物分數: 8.5/10
#2018秋
