#2018秋
今日lunch係九龍城附近見到呢間專食蝦泡飯既餐廳，好似幾吸引！
餐廳講明個湯底係用左好多既蝦同豬骨 熬足3小時而成。所以個湯底紅紅的，好有鮮蝦既味道，好鮮甜😃
個泡飯本身包埋扎肉，蝦，魚片，豆卜，芽菜等等。
仲可以加錢加配其他料。
一黎到已經好香龍蝦湯味！😋
我仲加左蝦滑，魚皮餃同埋 識加當然加埋龍蝦！😍😍咁抵食！
半邊龍蝦肉，非常爽口彈牙！食落新鮮，連埋個湯食更鮮甜。
餐廳重好細心 有手套同蝦鉗！唔怕整污糟手。
呢度既泡飯唔會話煲到好糊，食落個飯一粒粒有口感既。襯埋個湯食，真係好開胃。飲哂成碗湯 😁
另外仲叫左份蝦少 食。
即係滑蝦多士 ，炸到外皮金黃香脆！
食落好彈牙好脆。炸粉夠鬆軟，食落唔會覺得好油膩。加埋個沙律醬又幾夾喎！😄
飲品：百香天葵花茶🍹
賣相好靚。飲落好香既花香味。帶少少酸甜味。
甜度唔會話好甜，幾開胃！😉
