最近午飯時段，越行越遠，今日走到差不多上環既半山，見到一幢綠色的樓宇，非常搶眼。行近啲睇睇，見到一間頗有特色的食店，外面掛了一幅黑底金漆招牌，寫著「榮華南洋冰室」，而室內裝修亦富有東南亞風情，非常懷舊。
話明係南洋風味，咁食物當然係東南亞美食啦！有海南雞飯，沙爹串，金邊粉，香茅豬扒冬陰公和咖吔多士等等。
因為時間關係，未能細閲餐牌，就用最快嘅時間點了一個南洋特色常餐$58包飲品飲品，仲加咗$5轉奶油豬仔包添！呢個價錢係中上環算是平民價喇。
本人覺得碗金邊粉分量頗細，我就啱啱好，不過對男士們一定唔夠飽。奶油豬仔包，脆就脆喇，不過焗得時間唔夠，冇烤焦的感覺，沒有那種焦香味。其他食材都是很一般，沒有太大驚喜。
#2018秋
