同唔太熟識既朋友或者心儀對象一齊食飯果刻，真係周身都好唔自在，如果仲有你最鐘意既食物擺你面前，好想拋開一切就直接開餐食左先算啦，但心知道唔可以咁做，而屋企教落既傳統觀念令你同自己既思想係到鬥爭同埋想對抗，想好好地食餐飯都搞到有種無形壓力比左自己咁！
。
『不要儀態...只想食雞翼』呢句說話往往引證左以下呢間鋪主打既觀念，加上仲要成間鋪都係賣炸雞翼為主題既餐廳，同埋雞翼控既你彷佛搵到一片樂土仲令你無論幾時黎都盡情地去放肆地食嘢，之餘仲行走少女風格主題路線有：花、粉紅和白色牆身...等等係食嘢外都加入方便大家打卡既元素係間鋪到..成為年青人必去景點之一
。
老講我自己本身唔係雞翼控人士，所以今次都用左好長時間去完成今次雞翼之旅，鋪頭有七隻口味比大家選擇，引致我都去左七次試哂所有口味，每次黎果陣都即叫即制，最小等待五分鐘或以上，而每次去食啲雞翼都係熱辣辣，仲每隻雞翼都係好大隻同埋肥美、其中六次黎到都係做到外皮脆身內裹肉質嫩滑、絕無花假
。
每一次都係飯後先黎所以只叫4隻雞翼、全部價錢為$38蚊
。
文青風玫瑰雞翼
『第一次』黎到，就發現呢款絕對皇牌之一、因為配上左自家制醬汁，感覺好似燒烤果陣再加密糖既感覺、好適合大眾口味，穩打穩陣之選
。
港式避風糖蒜香雞翼
『第二次』黎到，本身對辣冇咩興趣，但都想試下呢款，唔食得辣既我都仲算可以接受到，面頭有一堆蒜粒、整體感覺似椒鹽乜乜嘅朋友
。
我係鹹檸七雞翼
『第三次』黎到，原來諗住呢款酸酸地幾開胃啦，但係鹹大過酸，所以最後呢隻口味都係唔太岩我食.
如果唔係果舊鹹檸七既話就好好多但會失去特色
。
黑松露蒜香武士雞翼
『第四次』黎到，呢次係唯一一次中左伏，因為炸到乾到勁柴皮呀，蒜香味係有既，黑松露好似消失左咁，適合鐘意食蒜味既人士
。
檸香山葵蟹籽雞翼
『第五次』黎到，人生最怕山葵乜乜架喇，好多時都會搶哂原身食物嘅味道，但今次竟然冇呢樣事情發生 幾令我覺得意外
。
椰林菠蘿甜公主雞翼
『第六次』黎到，好地地雞翼咪算囉，係到要搭我幾唔鐘意既菠蘿係到，不過又味去左中伏，又想菠蘿又想雞翼就揀呢款啦
。
家鄉蝦醬濃媽媽雞翼
『第七次』黎到，簡單啲黎講就係普通蝦醬，如果你係對蝦醬有要求，仲希望有果種帶出黎既鮮味，咁你一定好失望喇，因為呢到既蝦醬感覺好差，如果咁岩口痕想食下蝦醬咪試一份囉，有時行路過路，咪唔好錯過囉
~~~~~
#後記：呢間都岩雞翼人士幫襯，鐘意食既你不紡去試試
~~~~~
覓食好去處😋😋😋：『雞翼山 』紅磡黃埔德民街29號黃埔新村德民大廈地下F3號舖
