Aida Lee

某日午飯後，行經呢間麵專車仔麵，見到門口外邊人頭湧湧，心想一定係好嘢嚟架！所以今天就決定去試一試。

原來呢間係十大車仔麵排行榜其中之一，連發哥都有嚟幫襯過。

叫咗個豬皮魚蛋牛腩米線，湯底充滿牛香，非常濃郁又唔咸，豬皮爽口，魚蛋彈牙，牛腩嫩滑鬆軟。我個人真係覺得好食過喺元朗嗰間呀。佢哋仲有酸齋配料，我下次一定會試！