今日介紹下日本高知縣隱世日本茶甜品站 池川茶園Cafe！🍵
高知縣有好多世外桃源，例如被譽為絕世清泉四萬十川。時間不夠關係我地並無去四萬十川，反而去左比較少遊客知道嘅仁淀川（Niyodogawa）🇯🇵！
呢度好多單程路，沿途風光真心好似《千與千尋》電影一開場開車去郊外嗰陣啲景色咁！😂呢間池川茶園工房Cafe位於一個山谷入面其中一條小村度，對住條小溪❤️有室內座位之餘，好天的話建議一定要坐外面曬下太陽，超舒服😎
Menu大部分都係抹茶、焙茶等甜品同飲品。每個單品都會跟一小杯茶🍵👍最推薦有吸睛度No. 1的芭菲：餡料豐富、有多層口感，而且唔會太甜！
另外絕對唔好錯過外表好似平平無奇的布甸✨係贏過本地甜品獎金獎㗎🍮～！真心驚艷了，尤其最頂的茶jelly，充滿茶葉甘香味，成件事係一個黃金配搭😋
圖片還有另外點的抹茶蛋糕捲切片和焙茶tiramisu。
📍池川茶園 工房Cafe
地址：高知県吾川郡仁淀川町土居甲695-4
營業時間： 10：00～18：00（不定休）
