太耐無同閨蜜K去行街食飯了⋯ 所以就相約系旺角先食放題後Shopping⋯ 旺角食放題相信大家同我一樣諗起兆萬商場。系雲雲的選擇中，我們就揀左系網上較有人氣的大本瀛！
餐廳的野食主要分為刺身、壽司、前菜小食、和風拉麵烏冬、爐端燒、鐵板燒、炸物、泰式風味小食及火鍋都應有盡有。
食放題當然先點最回本的刺身啦！雖然無我最愛的呑拿魚，但都有不少的選擇。當中我鐘意有頭甜蝦(比想像中大只)、日本角螺(爽口彈牙)及泰式生蝦(加埋香蒜辣椒碎 勁香)。
好少放題的壽司愈更我Encore，不過呢個黑松露珍寶蝦壽司，我食完第一Round的2件後，系第二Round再加多兩件！壽司上的蝦刺身比淨刺身大只及肥美好多，加上上面個點黑松露，令整體更香！
軟殻蟹手卷盡對有驚喜，而且同市面上的連鎖壽司店有得Fight！職員有溫馨提示手卷要先食，因為紫菜會淋。手卷內的軟殻蟹都幾厚肉，加埋沙律醬、蟹子及堅脆紫菜，整體的口感都好豐富。
海老天婦羅雖然唔肥美，不過炸粉唔會太厚，而且食落唔粉，食落都唔差。
唔知有無人同我一樣，知道豬頸肉唔健康但都超愛吃～呵呵 餐廳的香茅燒豬頸肉都燒得幾香，而且唔會太乾身，加埋泰式酸辣醬就非常惹味。
朋友話好耐無食羊，所以叫左一塊鐵板燒紐西蘭羊架。好多放題店整的羊架都好乾身，但呢到燒得香口之余，仲要厚身又Juicy！味道唔會太羶，值得一試。
系唔知幾時開始，食完放題就會想食雪糕。呢到有幾款雀巢杯裝可以選擇，仲有我的Best Pick雪米糍！
玻璃肚的我表示，我食完放題個肚仔無事，所以食材系新鮮的，大家可以安心進食(笑)
#2019復活節
