唔係因為約咗朋友去深水埗買布料，都唔會諗住喺深水埗食午飯。突然諗起最近好有人氣嘅呢間馬來西亞菜「蘇媽．蘇媽」，就前來一試。
早咗出門，比朋友先到達，已經見到有一堆堆人群在店前等候，唯有先取籌。大約等了45分鐘，終於有位，店舖裝修得好有馬拉風味。
叫咗皇帝骨既肉骨茶，招牌老鼠粉，油炸鬼，桔仔話梅水，拉茶和咖央多士。店員先來碗肉骨茶，之後再送上皇帝骨(分開上）。怎知皇帝骨係冇骨嘅，反而係好有厚度既豬肉件，啖啖肉，不過我都係鍾意有啲肉和骨，冇咁heavy. 呢度食肉骨茶有4部曲，先混蒜蓉，辣椒和醬油，然後再飲碗熱湯，跟著品嚐肉骨(茶），熱湯飲完可以再加添。
肉骨茶有點藥(當歸)味, 味道唔錯，但當飲到第二碗時就嫌稍咸。老鼠粉(銀針粉)好野味，配料份量頗多，有豬肉碎，豬肉鬆，荷包蛋，銀魚仔和蔥花，可能因為用沙煲嚟煮，個底啲粉有D蕉燶，好味！
多士夾着厚厚的咖央，很香椰香味，外脆內軟。最後桔仔話梅水好清新開胃，甜咗少少，而拉茶好滑又有茶香味。
#2019復活節
