復活節假期前夕已經急不及待搵節目。今晚就嚟咗荃灣呢間道頓堀。可能時間尚早
，未到七點鐘，由取票至入座大約等了15分鐘。入坐後，店員話享用時間得90分鐘，應該冇問題既。
除咗整各式御好燒外，仲有和牛/豚肉鐵板燒，炒麵和燒飯。最重要係全部都要自己落手煮，真係又有得玩又有得食，好開心！佢哋會有個制作御好燒方法既餐牌，大家不妨可以下載短片或睇住指示圖跟住嚟整。
每碗御好燒份量適中，足材料，話可以整到一個大約10cm 既燒餅，不過我就話其實可以有14cm啦！我覺得海鮮御好燒好味啲，雜肉御好燒(雞肉/豚肉/牛肉)反而覺得味道淡左少少。
最後因為每人最低消費要$100，所以我哋就order多一個朱古力pancake既甜品，都係要自己做。一個份量可以整到六件，配上朱古力粉，朱古力醬和鮮忌廉食，好飽肚呀！
#2019復活節
