行完花墟後又到咗食晚飯時段，朋友話想食得簡單清淡啲，行經呢間餃子店，見到有張名食家蔡X先生同店主一齊影嘅相片，連佢都有幫襯，應該唔差呱。
三個人叫咗三款餃子，兩湯一煎，湯底係佢哋特別炮製嘅九鼎湯，話係冇味精嘅喎，材料用咗粉葛，順德活鯪魚，香山活鯽魚，紅蘿蔔，扁豆，赤小豆，新會陳皮，蜜棗和鮮排骨熬製，又真係幾鮮甜，仲話會提升免疫力，養顏保健，我哋各人都飲咗一碗先食啲餃子。
湯餃就叫咗韭菜豬肉餃和芫荽豬肉餃。個人覺得芫荽豬肉餃好正，可能有啲人唔鍾意，但芫荽透着那股清香菜味配合埋豬肉，好鮮甜！韭菜豬肉都好好味，另外煎餃就叫咗白菜豬肉因為朋友唔食韭菜。餃子皮薄餡多，每人食十隻都唔會覺得濟住，涼拌青瓜份量就少咗啲。
還有每張枱都放有一樽樽嘅醃菜，好開胃，我哋三個人都不知不覺咁食咗佢大半樽！😂
#2019復活節
