因為今天放假，所以可以早啲享受午餐，嚟到荃灣，知道有間新餐廳就嚟試下。原來12:45pm之前享用佢哋嘅套餐，可以有特價！可惜嚟到時，剛剛12:50pm, 遲咗5分鐘，一於唔理，照食可也。先喺門口購票，再拿着籌牌找座位等侍應送上食物，所以係免加一。
點左一個牛角次男坊井（美國肩脊肉$93）和一個豚井（西班牙豚梅肉$82)，加$11 配沙律和一支北川半兵衛綠茶。
兩個井既份量都頗大，淨係睇嗰啲牛肩脊肉叠到山咁高，配有少少芽菜隔著啲飯和肉。牛肩脊肉燒得剛好，唔乾仲有肉汁。反而個豚井差咗少少，豚肉鞋口，但上面隻溫泉蛋可以彌補這個缺點。
其實飯嘅份量唔係太多，因為隻碗既深度係比較淺。
