食放題由頭帶到落尾，肚滿屋肥非常好意頭。今晚大滿足。
剌身十幾款，有三文魚，赤蝦，鮑片，帶子.....鮮甜味美。
食壽司梗係要食得刁鑽啲，火焰做法惹味十足。芝士蟹桻，鵝肝帶子，來者不拒。
煮物雪花肥牛鍋不容錯過，肥牛軟腍，還有各種菜蔬，滋味。
燒物香口，試過了日本番薯仔，牛舌，燒菠蘿，調味恰到好處。
冬菇花膠夠矜貴，花膠有嚼口，膠質黏口，食多份都回本啊！
炸榴槤認真掂，熱辣辣，皮薄餡靚，味道濃郁。
隨了點紙上的食物外，還有自助區，冷盤，熱盤，甜品，清酒梅酒，各式各様，每款食少少都足夠開心一整天。
