Amporn Thaifood

九龍城泰國菜一向岀名，而九龍城街市嘅泰苑小食就係平靚正🤩 泰國酸菜魚精髓係個汁，我平時食開小辣，個魚酸辣適中，都幾岩香港人口味！ 咖哩炒蟹好地道，咖哩味好香，蟹嘅份量都好足，係對於唔太識拆蟹嘅我食得有點辛苦🙈 最後椒鹽蝦係泰國姨姨介紹，真係無介紹錯，炒得好香，唔洗點個醬都好夠味！ #10月活動A

對於新界既朋友可能遠左啲，要先係旺角先達廣場附近到搭紅van去九龍城街市，今次就5個女仔去左食，整體評價都高既，繼續睇薄去。 去到環境一般啦，始終街市既熟食檔，但都叫乾淨既(看似)。之前朋友就黎食過，所以都推介左邊啲好食。 好食之選:首先係menu冇既生蝦，一碟有5隻，厚肉，而且夠凍，個汁夠辣，都抵食。之後就到我最有驚喜既係通菜，岀面食泰國菜都會有馬拉盞炒通菜呢樣餸，但呢個菜係好 夠 味！而且對於唔係食太咸既都唔會覺得咸！又好入味，看似有少少油，但ok的，啲配料都好帶得岀味。酸辣鳯爪偏辣，但勝在夠凍，幾爽口。豬頸肉都幾好食，我喜歡薄片的，配唔配個汁都好食，而且你食到有少少似燒過既口感，但佢又唔會太乾，份量都不少。菠蘿炒飯都幾有菠蘿味，再加上佢嘅腰果，肉鬆喺面頭，令成個飯更好食，而且又唔會好油。之後到蝦餅！一直食泰菜都好鐘意食蝦餅，雖然佢唔係餅既形狀，反而好似冬甩咁，圓圓地，蝦味就唔係好濃，但個口感都幾好，幾彈牙有咬口，而且食蝦餅一定要熱辣辣！佢係熱的！冇影到相既仲有炒金邊粉，反而呢個冇咩味，但口感，香味，顏色都係好足，而且有蒜蓉粒喺面令成個金邊粉更加香口，唔油就必須的。朋友飲咗個菠蘿沙冰都唔錯，唔會太甜。 到唔係幾岩食既類別:呢個青咖哩配雞真係一般，咖啡偏淡同稀，冇咩味，而且雞肉不多只有少量配菜在旁，即使用蒜蓉包沾汁都唔係好夠味。之後甜品既部分，都係冇影到相，就係椰汁糕同芒果糯米飯，椰汁糕方面裏面有椰果同白色透明一點點唔知咩嚟，都OK有椰汁味，但係個口感就偏淋唔似糕狀，一碟都有6件，幾多架。芒果糯米飯就真係伏伏地，一碟裏面會有齊白糯米同黑糯米，糯米飯就比較偏甜，配埋椰漿就更甜，加上芒果真係好難食，我哋今日食嗰個芒果就有啲生生地未熟透嘅感覺，而且唔甜，同喺泰國食嘅差好遠不突只，個芒果係你食咗一啖就唔會想再食。另外叫咗生菜包豬肉碎，啲菜新鮮嘅同都有幾多塊下，但啲肉嘅配料就有太多芫荽味同香料味，唔係好鍾意食香料，加上佢漏左兩次單，最後先黎， 最後食到飽，食咗少少都冇再繼續食落去，另外有朋友上次話呢個幾好食，佢今次覺得呢個豬肉碎係有啲重香料味，同上次有啲出入，可能下次去又唔同翻。 飲品我就叫咗一個西瓜沙冰，但係似飲西瓜汁多個西瓜沙冰，都OK嘅，但係就冇左沙冰嘅感覺，勝在夠冰涼。另外仲有朋友叫咗芒果沙冰，佢飲到好大浸奶味，唔係好似沙冰嘅感覺，但係整體都OK嘅，係有啲出入姐。 最後五個人每人平均$150，都食咗幾多款，整體都OK唔錯，可以再食。