小火焰韓式咖啡餐廳

觀塘食晏好似打扙，人多車多，繁忙！ 呢間韓式餐廳座落於中心，非常方便，食客自然源源不絕，好彩坐位多，我也預早來到，幸運地不用等。 聽講蕃茄湯底烏冬是人氣之選，我也點了酥脆磨菇雞翼蕃茄湯烏冬。 湯底內隱約見到蕃茄粒粒，真材實料。味道非常清甜，茄香滿溢。 雞翼內釀著磨菇和芝士，層次豐富，啖啖滋味。 小吃炸蠔值得推介，即叫即做，熱乎乎，蠔隻雖小，但味道濃厚。漿衣薄而酥脆，不錯。 Cappuccino 中規中矩，味道尚算濃厚。最欣賞有一小塊曲奇餅伴咖啡，抹茶味有粒粒朱古力碎。

【小火焰韓式咖啡餐廳】 📌觀塘觀塘道410號觀點中心1樓1號舖  《魷魚水冷麵 $68》 夏天最適合食水冷麵😋 Menu有幾款選擇，大蝦/魷魚/赤貝等。 湯底酸酸甜甜夠冰凍，見到有冰塊， 食住都Keep到個溫度。  冷麵份量頗多，麵質煙韌，配料有魷魚、 半隻蛋、青瓜絲、紅蘿蔔絲、雪梨絲、車厘茄。 魷魚先醃製過，味濃爽韌，青瓜雪梨清新爽涼。  《大醬牛肉粉絲鍋 $62》 對於唔食得辣嘅我， 見到有大醬牛肉粉絲鍋表示好開心😝 牛肉片有7-8塊，韌度適中，唔會過老。 我幾鍾意大醬湯咸度控制得幾好，粉絲屬粗身， 煙韌彈牙，做到掛湯，飲完成個人都幾暖。 另配白飯，食完粉絲可以再將白飯撈落個湯食。  《卡邦尼年糕》 加$10有小食，卡邦尼醬甜甜地好好食， 年糕煙韌但就係腍左少少。  《甜辣韓式炸雞》 $10有3大件又幾抵食，醬汁甜中帶辣， 肉質算係肉嫩有汁，唔會過硬過乾。 —————————————————————— 美味指數：⭐️⭐️⭐️⭐️ 抵食程度：⭐️⭐️⭐️⭐️ 回頭率：⭐️⭐️⭐️⭐️

係附近睇完avengers就搵間平平地既餐廳食個晚飯，記得呢間上過電視，開左甘耐夜晚黎到都仲要排一陣，應該有幾多熟客。 首先叫左半份蜂蜜提子炸雞$88，有4大件，炸粉幾薄身，食落夠哂熱。個雞肉勁juicy，蜂蜜味超重，食落甜甜地唔會太膩👍🏻 另一個小食就叫左4隻醬油蝦$128，幾大隻，亦唔會太咸，肉質亦夠厚身。個溏心蛋亦算入味，個蝦同跟既飯團一起食超正。不過飯團偏乾，點左醬油就perfect。 主食就先要花膠年糕$88，份量算多，個年糕係幼身個款，但都好煙un。食落偏甜味，唔會好heavy。花膠就冇咩味，呢個就有d失望，不過年糕真心正。 之後就叫左蟹黃炒淮山麵$88，呢個感覺唔係炒，係撈，因為唔太油👍🏻食落好清爽，蟹籽蟹肉都多，食落覺得如果有加wasabi會更正🤣🤣🤣不過overall個麵量就唔太大。 #traveltobkk