Vinci To
《Greyhound Café》 #食在中環 #泰國菜 📍 中環港景街1號國際金融中心1樓1082舖 【甜品才是重點 - 泰式奶茶千層蛋糕】 自從幾年前朋友帶我黎食過甜品之後，覺得唔錯，有時都會返轉頭再幫襯！ Greyhound原本為泰國本土服飾品牌，而Cafe亦主打泰菜，食物種類非當豐富。 今次主要想介紹返我最鐘意既甜品！單係甜品都分左好幾類：蛋糕類、窩夫、芭菲等。相信鐘意食甜品既朋友一定會花多眼亂，唔知揀邊樣好。雖然食完主菜好飽，但甜品依然係一個MUST！ ________________________________________________ 🔸 越式鮮蝦雞肉米紙卷 $88 🔸 海鮮冬蔭公炒螺絲粉 $138 主菜叫左兩樣，表現都唔錯。米紙卷做輕食，又有菜，點下汁食都幾fresh。炒螺絲粉既冬蔭味帶微辣，好惹味香口，唔食辣既我都接受到。海鮮材料都唔少，有大蝦、帶子、魷魚圈等等。 想再清新啲既仲可以加青檸汁，提升鮮味。 🔸 泰式奶茶千層蛋糕 $75 奶茶味與蛋糕融在一起，沒有違和感。蛋糕一層又一層的口感，非當鬆軟，內餡軟綿綿。奶茶味不會過濃，加上奶味重，好好食！每次黎都必點！上次食過斑蘭味都一樣好正！ 🔸 紅絲絨窩夫 窩夫口感較軟身，邊沿位帶微脆。中間有夾到紅莓乾，好香。帶有微溫的窩夫，加上覆盆子果醬、奶油、士多啤梨一啖入口。甜中帶微酸，味道好夾，幾好食。 ． by VIN 環境分數: 8/10 食物分數: 8/10
