Retty
อาหารจีน
#cassiegokt - 最近平日夜晚要經常去觀塘排戲，所以我都介紹下依區有咩好食先。今次去左瑞和街街市附近一間老字號，專食上海菜🙆🏻♀️ - 晚飯時段，我同朋友叫左兩人套餐，有兩款小菜，揀左奶油津白同九王鱔糊。奶油津白係我食過最好食嫁，係重奶油味，正常個啲得少少忌廉汁Hea你。九王鱔糊都好好味，正宗上海味道，同埋好足料好多料。😍 - 湯方面我揀左粟米羮，唔會好水，好飲。食完之後，仲送上一杯養生百寶茶，一流。當晚見到有好多附近街坊去食！👍🏿 - 味道評分▶️🌕🌕🌕🌕🌗 (4.5) 抵食評分▶️🌕🌕🌕🌕🌑 (4) 回購評分▶️🌕🌕🌕🌕🌑 (4) - ➡️上海榮華川菜館 (觀塘) 📍觀塘崇仁街15號地下 -
甘快就黎到最後一個sem，日日係度溫final溫到個人都傻傻地，所以就叫男朋友過黎搵我食個晚飯放鬆一下。 黎左呢間老店，坐低會先俾熱水，再俾碗筷同一碗熱水洗，好似酒樓甘😂 叫左個二人餐，有1款湯，2款菜，2個飯同2杯八寶茶。 ❤️酸辣湯 每人起碼分到2小碗😂料好足，每一啖都有好多木耳絲，豆腐同瘦肉，唔會太杰甘。飲落亦唔會太酸，辣度都接受到。 ❤️回鍋肉 超好食，夠哂鑊氣！肉係用五花腩片超正，椰菜夠哂爽唔會淋哂。辣辣地，小小油，送飯一流！ ❤️花鵰醉雞 雞肉已經起左骨，呢個位加好多分😂😂肉食落好嫩，冇雪味。一開始酒味唔會好勁，食到尾d酒味吸哂入去😂所以我中意食一開始既味道多d😂冇甘重酒味 ❤️擔擔麵 +$15 超辣，我完全食唔到😂😂花生粒超多，好夠味，超正！ ❤️白飯 ❤️酸梅水 $10 食到一半擔擔麵，太辣叫黎解辣。 ❤️八寶茶 飲落甜甜地，幾正😍 #traveltobkk
同朋友睇完戲見差唔多時間去食飯 本身諗住去APM嗰度食飯嘅但見到佢好多都係運鎖式 而且都有啲貴😂咁就行咗去第二度睇下有啲咩食啦 見到呢一間門面比較舊式啲嘅鋪頭見到啲菜嘅款式都岩胃口 就入咗去食啦 鋪頭望落去唔算大 但都有唔少卡位可以坐 而且入面係比較舊式啲嘅 見到牆上面都有啲比較有歷史嘅相係到 都幾特別 感覺上間鋪頭好似記載着過往香港歷史變遷 坐左陣之後睇咗陣Menu又望下周圍有啲特別啲嘅野食 最後簡左個二人套餐 另外叫咗啲小食 口水雞 一早起晒骨 任何一啖都係肉🤤食落去都唔洗選骨好方便 雞肉好嫩滑 醬汁方面聞落去勁香 但食落一啲都唔覺得佢好辣 我朋友食唔到辣都覺得唔錯 上面鋪左都我多嘅花生碎 食落去好有口感 而且都好有層次🤤 甜酸骨 酸酸甜甜 極度開胃 用嚟送飯絕對係一流🙈 啲肉好淋 好入味 而且好有口感 雲吞雞（+$25） 分量相當之大 最起碼每人可以飲到最少兩至三碗🤤冇諗過佢用沙窩去煮呢個雲吞雞 雞肉鮮嫩 啲雞肉一啲都唔鞋口而且好滑 雲吞都好大粒 菜同肉嘅比例啱啱好飲落鮮甜 酥炸雲吞 即叫即炸 咬落去係十分之脆身 佢同雲吞雞入面嘅雲吞係一樣嘅 小龍包 一籠有四個 即蒸即上 辣辣食落去先係最正 咬落去勁多肉汁 皮薄多湯汁 除此之外食嘅過程之中我哋都叫左兩樣野飲 紅提沙同酸梅水 紅提沙估唔到原來係紅提子汽水 飲落有啲似利賓納嘅feel 但幾好飲喎而且佢唔係好多氣 因為對唔多鍾意飲汽水嘅人來講都算唔錯 酸梅水 酸酸地幾開胃 食到最後職員就拎埋個八寶茶比我地 係呢一餐飯畫上完美嘅句號 八寶茶超級足料 可以好清楚睇到八寶茶到底係用咗啲咩材料去沖泡而成 清清地 飲落一陣陣嘅菊花嘅清香仲有些少回甘嘅味道 感覺好養生🙈
