Ozawa Japanese Restaurant

這家店店子小小，但人氣十足，常常都full booking. 或許就是cp值比較高吧！ 店子是窄長方形的，裝修整潔企理，但比較適合二人或四人用餐。午餐有四款選擇，分別是魚生定食、魚生飯定食、吞拿魚腩飯及最多人選的三式飯，價格由$125-$400。 我選的三式飯有：角切魚生飯、半燒三文魚飯和燒鰻魚。而honey 選的有辣帶子飯、帆立貝壽司和雜錦天婦羅。 角切魚生飯份量十足！魚生堆到一如小山。魚生主要有三文魚、三文魚籽、魷魚和小柱等，味道鮮美，而且幾新鮮。拌以芥末和豉油，吃一口酸酸地的壽司飯，不錯。 半燒三文魚更是頂呱呱！肥厚的三文魚燒到半生熟，在火炙後的三文魚外層微焦，多添一份魚脂甘香，而三文魚內𥚃是軟嫩粉紅的魚肉，真好吃！比三文魚刺身更具風味！大滿足！ 燒鰻魚雖然唔係好肥厚，但醬汁惹味甜香，鰻魚熱呼呼又軟腍，沒有太多細骨，好下飯。 辣帶子飯就相對地失色了。帶子味道唔算鮮美，加上美奶滋，整體味道平平，但以這價位，也不能要求太多。 反而帶子壽司有驚喜！帶子燒得焦香，令帶子更為緊實甜美，而且肉質嫩滑，加上手握壽司飯，真係好唔錯！ 雜錦天婦羅即點即造。天婦羅蝦大大隻，味道鮮甜；而炸茄子等的炸衣沒有太厚，亦炸得唔油膩，可知師傅的油溫控制得宜。 估唔到這個午餐仲有麵鼓湯和甜品。吃過飯，呷一口熱呼呼的麵鼓湯，再吃綠茶雪糕，雖然味道樸實，但感覺完滿， 而且不用加一，好抵食。

天氣很悶熱的話，首選會想吃日本菜！ 不過要在中環找價錢相對較便宜～食物味道也不錯的餐廳還頗不容易 ... 最後在網上找到這家入口隱蔽的上樓餐廳。 強烈建議一定要預先電話訂座， 因為Walk-in要等訂了座的客人都入座才會安排位置。 而且重點是就算預先訂座後仍然需要排隊 ... 最後和朋友們等了40分鐘 ... 午市餐牌很簡單，但選擇來說是頗多的喔 最貴的定食$400也有 ... 午餐就不選這個吧 (笑) 另外價錢相對較便宜的是 - 自選三式飯 ($125) 當中還包括了白飯、麵豉湯和雪糕。 朋友選的是 A.角切魚生飯 + D.葱油甘魚飯 + 5.鹽燒魚胶 由於在選擇上並沒有限制，所以大吃的話想選三個都是飯也沒問題！ 京蔥和油甘魚很夾！另外一款的 H.蔥碎三文魚飯 亦不錯喲 主要是因為蔥和魚生已經碎掉混和好， 所以吃起來的味道便會很平均～蔥還帶少許辛辣的味道耶 若果不喜歡吃刺身飯類的，亦可選 - J.半燒三文魚飯 肥美的三文魚燒得很香～ 油脂都緊緊鎖在內層，吃起來難免會覺得有點膩。 我自己的話則是選了 - A.角切魚生飯 + Q.半燒帆立貝壽司(2件) + 4.蒲燒鰻魚 雖說是"角切"，但比平時的角切份量更為十足～而且新鮮度亦很高！ 飯的醋味會較為濃郁，不過不至於會酸得難以入口就是囉 鰻魚還好，那汁也幾惹味。 帆立貝則是半燒的關係，吃落沒有火炙的那種焦香 .. 亦不算很鮮甜。 附送的麵豉湯用的是玉子豆腐，湯頭並不算濃厚。 雪糕有兩款口味可選擇～抹茶/栗子！ 我們都揀了栗子～能吃到栗子粒，味道則像栗子蛋糕上的Cream那樣。 (午市免收加一）

#小澤日本料理 中環蘇豪嘉咸街49號地下C號舖 ----- 😝朋友仔講到呢間小澤性價比好高 B仔就決定黎會一會佢 小澤個位其實唔算太易搵 差唔多係中環ge中半山位 第一次去ge朋友仔最好開住Google map黎搵😂lunch免加一 $120 可以自選三樣野 再包湯同甜品 因為太多選擇 B仔都唔知點咩好 就隨便點左兩個lunch set 一共六樣野黎trytry 點知全部都好正🤤🤤 炸蝦卷新鮮即炸 搭上暖暖地ge飯 簡直無得輸🤤 燒帶子sushi juicy到不得了 帶子好大粒又好新鮮 得兩件真係有d唔夠喉 而角切魚生飯 一樣係超級鮮甜 唔係用d 頭頭尾尾刺身位黎hea你 鰻魚雖然少左d 不過燒得好香 非常肥美 燒三文魚飯 同燒三文魚餃 一樣係非常厚切 又唔會燒得太耐 好食就好食 不過兩樣野個味道太似啦 最好就2選一 留返個quota試第二樣野 最後ge雪糕甜品都好有驚喜🤤🤤一個香芋味 一個薑味 兩個都好出色 好明顯係自家製 唔會太甜 芋頭同薑味都好出 整體黎講 味道真係無令B仔失望 不過份量都比較少 如果比較大食ge話 叫三樣野可能會唔夠飽～ ----- B仔整體評價：8.5/10個👍🏻 B仔抵食程度：7/10個👍🏻 B仔環境評分：7/10個👍🏻 B仔味道評分：9/10個👍🏻 B仔回頭機會：8.5/10個👍🏻 ----- IG#swallowhongkong 跟住我一齊吞食香港啦！#swallowcentral