Crazy Noodles

今日去咗瘋狂小面，環境幾好，有四川京劇嘅裝飾，正宗巴蜀味道，小吃及麵俱佳！ 嗌左瘋狂燒白麵，每日限定十五份。 份量極多，湯底好油，味道唔錯！ 肥腸麵我地點左加麻加辣，腸去左肥，切開左做一片片。 好味！麻辣味剛好。 價錢都幾抵食，份量好多。 . #traveltobkk

#瘋狂小面 (中環) 中環士丹利街66-72號佳德商業大廈1樓 ----- 套餐（$88-包含瘋狂燒白麵、羅漢果冬瓜茶）+$32升級小食（燒椒茄子🍆） - 瘋狂燒白麵：燒白係黎自四川ge特色菜餚 製法繁複 唔知係咪咁ge關係 呢間餐廳ge燒白係限量發售ge 😨講到限量咁把炮 B仔緊係要叫返個睇下係咪真係咁堅🤣點知叫完之後 店員真係同我講 我個碗係最後一碗...只係中午12點幾 唔知真定假 哈哈 講到咁矜貴 搞到我有少少期待😆黎到之後 見到個樣確係幾吸引 燒白ge肉與肥膏比例大概係7：3 好肥美 但又未至於太肥膩 係我中意ge比例 味道方面 燒白鹵得非常入味 而且調味適中 唔會太淡太鹹 唯一美中不足係肉質硬身左少少 相比起燒白 麵底更令人驚艷 麵條煮得條條分明 軟硬適中 QQ彈彈 再索少少惹味ge麻辣紅湯汁～正！（如果麵可以再多d就好啦😆） - 燒椒茄子🍆：份量極少 油膩 茄子好多都得個茄子皮 味道太淡而且唔入味～主食好用心 唔知點解小食咁求其 下次會淨食麵 唔食小食🤷🏻‍♀️ - 羅漢果冬瓜茶：唔太甜膩 幾健康 味道不過不失 ～幾解辣 幾適合配搭濃味ge麻辣麵😆 ----- 👶🏻B仔整體評價：7.5/10個👍🏻 👶🏻B仔抵食程度：7/10個👍🏻 👶🏻B仔環境評分：7/10個👍🏻 👶🏻B仔味道評分：7.5/10個👍🏻（比小食扣左分🤷🏻‍♀️） 👶🏻B仔回頭機會：7.5/10個👍🏻 ----- IG：swallowhongkong 跟住我一齊吞食香港啦！🤤 #swallowcentral #2019復活節

今日午餐晚餐都係中環食 不過晚餐今次特別啲食麵 去左 #瘋狂小面 #crazynoodles 叫左條瘋狂擔擔面 就係黎試下有幾瘋狂 依條係乾撈麵黎 好多料 口感十足 叫左少辣 好麻夠唒辣 捧捧雞 係無骨既口水雞 如果對比辣度 應該係中辣黎 雞好滑 好夠香 配菜再叫多個 蒜泥青瓜 夠唒解辣 野飲方面 叫左個比較特別既紫貝天葵檸檬🍋 好夠酸啱唒我自己 整體而言 以我啲唔太食辣既人黎講 依個易於入口 大家可以去試下