Retty
อาหารยุโรป, สเต็ก, อาหารทะเล, บาร์
今日試下這兒的菜式。 餐廳裝修別緻，樓底高，又有氣氛。 Rib eye steak /400g 這牛扒份量十足，肉味濃，筋部的地方也不少，口感帶嚼勁，感覺平平。 凱撒沙律沙律汁唔多，沙律菜幾清新，口感爽脆頗為新鮮。 Mussels/ tomato sauce 這mussel 成桶上，十分嫩滑，又有蕃茄汁又有香草味，輕怡清新。 Lobster risotto 意大利飯有著龍蝦湯味，飯粒軟腍入味，份量ok, 不太膩口，但龍蝦肉很少，性價比不高。 蘋果批製作多時，就像一個普通蘋果烤焗過然後放在酥皮上，味道香甜，一點也不肥膩，配上雪糕和糖漿，味道不錯。
「神你不喜歡我，迫我入了魔。」我發覺人 有時會好依賴命運，當自己感覺唔如意或 發生某種唔係預期中既事，就好容易問過天， 到底我做錯左d乜野？又會怪點解個天要咁對我。 其實我自己間中都會咁，因為某種失敗既經歷 而覺得係咪神有心要玩9我？後來慢慢開始醒覺， 點解我唔問下自己，我究竟點先做得好d？ 或者，呢種係一種安慰自己而將內心既負能量 發洩出黎。不過我都係相信只要靠自己， 唔需要討好滿天神佛，總會行到一條最正確既 道路。呢條路我仲未搵到，不過就比我搵到 係銅鑼灣呢間經典比利時菜「FRITES Belgium on Tap」， 唔理佢真理定生命，今晚一定要食餐勁！👇 - 📌M u s s e l · P o t s - ▪ FRITES · House Mussels - $395 (1kg) ▫ 黎呢間之前都有充分做下research睇睇邊樣 野係必試既，終於不費吹灰之力，就知道呢個 「FRITES · 經典青口桶」係必點既。青口咋wor， 有咩咁特別呀？咪就係講緊佢個cream sauce囉， 裡面用左蒜蓉、洋葱、淡忌廉、番茄打成， 所以質感較稀，但入口係超級香甜。每一隻 青口都係由澳洲直送，除左本身肉質肥厚鮮甜 之外，配搭埋個醬汁一齊食，成個口感變得 更加嫩滑；仲可以用薯條黎點返個醬汁， 零舍有風味呀！ - 📌M a i n s - ▪ Steak · FRITES - $395 ▫ 召喚一眾牛魔王！足足有14安士重既 「FRITES · 美國黑安格斯肉眼扒」， 只需嗌5成熟，就可以將塊牛扒發揮到最極致。 牛扒表面Grill得帶少少焦香，表面切開仲保持 住粉嫩既胭脂紅，入口軟腍嫩滑，牛味極重， 基本加少少海鹽調味已經夠哂；加上牛肉既 邊位食落油香係最重，而且帶少少脂肪， 相當香口，另一亮點就係個Truffle Butter係 grill既過程融入牛肉當中，所以特別香濃惹味。 而另外仲有跟埋既粗身薯條，可以話係絕配之一。 - 📌D e s s e r t s - ▪ Waffle Bomb Alaska - $125 ▫ 可能你會問甜品控呢？唔好意思，都係我呀。 必試佢地既招牌甜品之一「比利時 · 窩夫蛋白酥」。 大廚將表面燒到好靚，淨係造型已經好滿意， 而食落蛋白味非常濃，但唔會話太重砂糖味； 裡面再包住個黑朱古力雪糕，甜中帶苦， 呢種層次的確係令我印象難忘。而最底層既 窩夫用肉桂燒過，再加埋朱古力醬，認真唔錯。 - 📌B e e r s - ▪ Stella Artois Draught - $70/400ml ▫ 扒房除左飲紅酒，都可以有其他選擇既， 我就鍾意整返杯生啤就最fit啦。口感黎得好清新， 中和返整個油膩感，爽呀；適逢佢地既 happy hour 3點至8點仲有半價優惠呀！ - 📍 FRITES Belgium on Tap 🎈銅鑼灣希雲街38號曦巒地下1號舖
FRITES 係我一間好中意嘅比利時菜餐廳🇧🇪 兩年前黎過一試難忘，今次重臨再encore番d 招牌菜，質素仍然好正！ Frites Mussel Pot 當然要encore，個cream sauce好正，令青口鮮味更加提升！份量都好多呢，兩個人分享啱啱好！ Tiger Prawn and Smoked Salmon Risotto ($235) 呢個risotto比起平時食開嗰d較為淋身，感覺有少少似食緊湯飯咁🤣 但個味又真係幾好喎，好鮮甜！虎蝦大大隻又啖啖肉，飯入面仲有好多碎煙三文魚、番茄粒、火箭菜，味道非常豐富😋 #traveltobkk
