Retty
อาหารฮ่องกง
【無骨海南雞不錯！】 喺觀塘APM搵食好難，因為每間餐廳都會排哂長龍，雖然金記冰室都要等，但係相對地快入座，只係等咗5分鐘就可以坐低。 金記冰室店內位置比較迫，搭枱嘅話都可能要對方遷就一下先至行到。 🔹無骨海南雞配油飯 $70 無骨海南雞好滑，啖啖肉。油飯油而不膩，飯好香同軟熟，由於好肚餓嘅關係，好快就食哂😋餐湯係粉葛湯，都算清甜，但因為食咗成個油飯嘅關係，唔敢再飲街外老火湯😂 📍金記冰室 觀塘觀塘道418號創紀之城五期(apm)6樓L6-1a &2號舖 ． ． 環境分數：7/10 食物分數：7/10 Encore分數：7/10 ． ． #2018聖誕
準備在apm睇戲，還有少少時間可以去金記食下野，在同一層夠方便。 水蜜桃果茶 $34 冬天最好點熱飲暖胃，慢慢加熱，茶味愈濃，沒有澀味，又不會太甜，剛剛好。 鮮油多士 $18 茶餐廳我時常點鮮油多，厚厚的牛油雖然好邪惡，不過的確是極之美味。 芝士白汁焗西蘭花 $52 西蘭花不會焗得太腍，還保持爽口感，而白汁不會太膩，有濕潤口感，而內裡更有不少雜菌。 乾炒牛河 $64 牛肉份量幾多，上檯不算太熱，河粉可以再乾身點，這樣不會太膩。 #2018聖誕
店員好快安排位置，上菜亦好快，但食物同一般茶記差不多，仲要貴d，店內座位都幾狹窄，坐得唔係太舒服。 今日食鮮茄焗豬扒飯，蕃茄同芝士滿滿係豬扒上，仲有幾塊菇，望落都幾多料，但豬扒較薄，咬落口感唔夠，同連鎖店對比的話，我比較喜歡後者。 #10月活動B
