Van Gogh SENSES Flagship, 1881 Heritage

《Van Gogh SENSES》 #食在尖沙咀 #HighTea #主題餐廳 📍 尖沙咀廣東道2A號1881 2樓208號舖 【一起走進梵高的藝術世界🖼 】 上星期復活節去完Van Gogh Alive HK睇展覽，令我好衝動的起心肝去食Book Mark左好耐既依間梵高主題餐廳！今日決定下午過黎1881食Tea Set，享受下貴婦既悠閒下午。 由行入店面既個一刻開始，周圍既擺設都同梵高充滿關連。大門口前擺放左好多周邊供選購，例如茶葉、杯碟、朱古力、香檳等等。設計精美，相信梵高迷一定覺得好吸引！另外亦有蛋糕/咖啡/茶係前台到賣，可以做Take Away服務。 餐廳主打既「杜比尼家的花園」下午茶價錢合理，甚至比酒店既High Tea更經濟實惠。一共四款鹹點及四款甜品。擺盤高高一座，圓型轉盤上印有「向日葵」花紋，放滿了排列整齊既糕點。中間位置保鮮花其實係一個音樂盒，一路跟住音樂轉，就好似帶緊我入去梵高既藝術世界一樣。賣相絕對係打卡一流！而味道方面亦都唔錯，食哂仲好飽添！ 飲品方面附送咖啡或茶，而我地點選左Cafe Mocha同埋仲夏向日葵。杯碟全部印上畫作，仲要襯返茶味。鐘意既話可以出去買返一set返屋企，人都開心啲！ 🔸 「杜比尼家的花園」下午茶 每日下午3時30分至5時30分限量供應 $468/兩位用 ． by VIN 環境分數: 8.8/10 食物分數: 8/10 #traveltobkk

第一次食到咁好味既蛋糕❤️ #petitecaramelsunflowers 向日葵 黃色既蛋糕 係最最最最最好味既 甜得黎唔會膩 又香 上面既花係朱古力 但唔會太甜 #earlgreyalmond 粉紅色 第二中意 伯爵茶味好香 無論係聞定入口 都好濃既味 #classicredvelvet 紅色 幾好既 又靚 #petitemidnightpassion 星夜 深藍色 我覺得偏酸 但因為其他都係甜為主 佢可以起到中和作用 可惜佢唔夠星夜既feel 兩款茶都好香好清 我試過加奶 但都係原味最好 其實除左食物質素 服務都真心好重要 點解我咁講呢 如果有睇開我post既 都會知我係學生 雖則係學生 但食幾十蚊一件既蛋糕我係食得起既 是日係同細佬去食 原先係打算睇好蛋糕再入去餐廳食 職員就叫我地係門口兩人位坐 但我地唔想 因為冇野睇 又坐得好唔舒服 我就直接問入面冇位咩 佢就回應要消費幾多先入得（印象200） 唔係係人都入得 我就答點都會過二百嫁喇 佢都唔肯帶我地入去 堅持一定要叫完睇下夠唔夠先俾入 入完機就冇理我地 但眼見另一個一人客直接被帶入去（操普通話） 於是我問另一位職員 佢即刻帶我地去 我見佢一個人 叫左一件蛋糕 一個茶 點計都冇200 味道好好 但態度好差 #九月活動

Van Gogh sense : 愛意粉，愛梵高 越來越喜歡fine dining，喜歡舒適無比的環境，喜歡那講求情調的氣氛，喜歡以高水準而細膩的手法去包裝。 要說Fine dining 的餐廳，很多人都會推介上環中環灣仔銅鑼灣一帶的餐廳，尖沙咀除了酒店級數的餐廳以外，好像能有難登大雅之堂的餐廳。 就好像我工作的前輩跟我說一樣，要選一間合適她的餐廳，你要找一間可以和你心儀已久的女仔可以去的餐廳吃飯，吃的要開心，要浪漫，要有氣質，當然和你心儀已久的女孩一定不是那些市井的女孩，就如今晚我來的餐廳，絕對是近來fine dining 的首選。 選這間餐廳的是C小姐，爽朗真誠的她，和我可惜認識太遲，她約我來吃飯，選擇的餐廳還是我期待已久的，那當然一定要赴約，於是，今晚來到Van Gogh sense 。 來到餐廳的第一個感覺，就像遇到了高貴大方的女孩，典雅不凡，餐廳的環境，裝飾和台上的餐具，一點一滴和梵高有關係，一入餐廳，就看到我最愛的梵高名畫向日葵。 梵高和食物有什麼關係?我不知道，我只知道坐了一會，餐廳感覺非常有情調，就如今晚我認識的新朋友，外表風趣可愛，是討人喜歡的類型，她說，這裡幾個菜式她都非常喜歡，因為她吃過其中幾道菜式，一定要再叫。 先來的黑松露薯條和麵包也是佳品，黑松露薯條比得起尖沙咀另一最強的月，又脆又濃郁的香氣撲鼻，令人欣喜。 前菜是最推薦的，阿拉斯加帝王蟹配咖喱芫荽中東米及壓縮西瓜黑蒜脆片， 西瓜的清甜壓縮後所有甜的感覺也集中在那個西瓜盒子裏，配合有益的黑蒜脆片，加上大大啖的蟹肉，就這樣吃已經感受到阿拉斯加帝王蟹的濃厚海鮮味，整個Max and match都很自然，最重要係外表像一個藝術品一樣咁靚。 薄切三文魚及吞拿魚配氈酒湯力水葛沙律，三文魚切得非常薄，見得出其刀工一流，但三文魚的味道依然劇烈，配上面的沙律，難得感覺依然是清新令人滿意，夏天吃非常一流。 法國夏季黑松露配露筍及圖米路牛奶芝士，這個充滿黑松露香和芝士香，不過相對我喜歡前面的西瓜和剛剛的薄切三文魚多一點。 傳統荷蘭青豆煙燻火腿湯配「豐收」麵包，以梵高的畫作作來做命題的麵包當然不錯，喜歡其湯是充滿着強烈青豆和火腿夾雜的香，如果喜歡飲稀湯，可能未必適合，但我就很喜歡。 來到意粉的部分，最驚喜。 意大利魚子醬及烏魚子配鮮雞蛋意大利麵，又係靚到不行，這個意粉，相對調味簡單，以簡單的魚子醬和烏魚子放在意粉的頂層，吃之前將全個麵撈勻，已經是簡單的美味，吃麵期間依然可以吃到每粒魚子醬和烏魚子在你口中的碰撞和意粉質感的配搭。 法國夏季黑松露配鮮雞蛋意大利麵，這個和意大利魚子醬及烏魚子配鮮雞蛋意大利麵相映成趣，同樣意大利麵，同是吸盡了食材的氣質，一股黑松露的香，加上彈牙的意粉，又是夏天必吃的項目。 北海道薯仔麵糰配羅馬番茄煙燻水牛芝士，這個樣子特別，那個薯仔麵糰的煙韌度應該所有意粉的冠。加上羅馬番茄和煙燻水牛芝士，將薯仔麵糰沾上那醬汁，無限享受。 24小時慢煮和牛面頰，鮮雞蛋闊條麵配14個月艾斯阿格芝士，這個比較強烈味道的意粉較適合男性去吃，和牛面頰的味道和闊條麵打成一片，女士加上沙律和脆片，會較容易接受，不過席上也有數位女士非常喜歡這個意粉，可能他們也喜歡強烈的牛味吧。 全晚最愛的意粉肯定是這個法國藍龍蝦配鮮雞蛋茴香子意大利麵，每條意大利麵都充滿了雞蛋的香氣，以番茄汁作為主調，加上茴香 ，每條都煙韌無比，條條都可以咀嚼出蛋香，以法國藍龍蝦煮得剛好，特別是那個龍蝦鉗，肉質又滑又嫩，送一口意粉，是完美吧。 另一最愛係荷蘭時令炸蠔及苦艾酒配蛋幼墨汁意大利麵，那個炸蠔的鮮味和獨特的苦艾酒和粗獷豪邁的墨汁意大利麵，感覺更raw更有特色，如果你喜歡剛剛的龍蝦，可能你未必會鐘意這意粉的隨意，但相對這個就更有特色。 今晚幾個意粉都有cocktail配對的，只不過意粉太出色令我感受太深，令我對cocktail我的印象相對唔好咁深刻，但和梵高的畫一樣，好靚好精緻。 甜品是鮮甜粟米芝士蛋糕及雪糕配焦糖爆谷，也不錯，只不過我還是沉醉在意粉和梵高的畫作之間.....愛意粉，愛梵高的人也必定會愛上這裡吧。 #9月活動