Tsang YuenYi
今次黎到西環，見到一間好有文青風格既店舖，行近看看，原來係一間餐廳，而餐廳位於地庫位址，今晚仲會有樂隊來表演，可以一邊用餐一邊欣賞表演 🔹首先會有兩塊多士，配有番茄及牛油嘅醬，酸酸鹹鹹好特別 🔹燒南瓜 三色藜麥 栗子 青蘋果昆布脆片 $122 燒南瓜，唔會太乾身，而且好甜，但配埋三色藜麥夾埋就唔會太甜，青蘋果昆布脆片酸酸地，同南瓜味道相反，但南瓜分量就比較多 🔹八爪魚 黑蒜薯團 洋蔥墨汁醬 $146 呢碟菜色，一上到檯就已經有好大陣既蒜香味，好吸引，加上大大件既八爪魚，口感好好 🔹自家製火腿-白毛豬火腿 西班牙腸片 羊奶芝士脆片 $78 餐廳採用自己既火腿，最特別係佢地用左芝士風乾後變成芝士脆片，芝士脆片夾埋火腿食，平日蜜瓜就試得多，用芝士脆片更加特別 🔹白兔糖奶凍-自家製士多啤梨雪葩+蝶豆花 $84🔝 近期好受歡迎既白兔糖，而且知道好多人都會黎呢到試白兔糖奶凍，真係好好味，同白兔糖一樣味，好得意，加埋士多啤梨雪葩同水果，有唔同既配搭真係好好食，好推介 🔹自家製可樂 $48 今日仲試埋佢既今日精選，無諗過可樂都可以自己整，飲落有種可樂糖既感覺，帶有酸酸甜甜，同平時既可樂好唔同，值得一試 整體來說，餐廳好特別，有別於平時既餐廳，係一間好有文青風格，有一種比人慢慢用餐享受食物既感覺。 #traveltobkk
