Satay King (Kwun Tong)

新年嚟嚟去去都食盤菜，今日有機會出去食，一於頹食，去沙嗲王係咁咦食啲嘢算喇。 逢親去沙嗲王，基本上八，九成機會我都係叫自選麵，沙嗲湯係必選👍🏻 今次我揀嘅係即燒黑椒雞扒，配沙嗲湯，麵底就揀咗粉絲 $61，另外再加$4叫多半隻溏心蛋。餐牌上寫明雞扒製作需時，所要都等咗十幾分鐘先有得開餐，雞扒係用鐵板上，外皮微焦，賣相吸引，食落肉質鮮嫩，但黑椒味就唔太出，不過連埋沙嗲湯食都ok，因為個湯超濃郁，配粉絲就可以掛湯，不過怕肥嘅朋友可能就唔適合叫沙嗲湯，因為都幾油吓～ #2019情人節

第一次黎觀塘依間食 個感覺好似飯堂😂 先講佢啲野飲 我叫咗杯芒椰西米沙冰 極好飲 啲西米夠大夠彈牙 又夠凍 👍🏻👍🏻👍🏻 食物方面 諗住試新野 唔食白咖哩香茅豬排 叫咗碗 白咖哩麻辣湯肥牛拉麵 嘩 極難食 成碗野個感覺好似係用佢自製嗰枝辣椒油開熱水咁整個湯底🤮 唔會再嗌 下次都係食返招牌野好 #10月活動A

#9月活動 自從裕民坊個間沙嗲王搬左之後我就好少可會食佢 今次咁岩路過先發現佢開左係觀塘工業中心附近，即刻入去回味一下 香咖喱豬扒飯係我第二至愛 真正做得最好食嘅係佢地個咖喱牛鬆炒飯 但竟然冇再出現係 menu度 好彩白咖喱豬扒都仲似番平時食開嘅味道 豬肉粉卷每次都必點，好中意佢嘅餡做得好好味 加埋酸汁係好開胃！！！！