Retty
อาหารเซี่ยงไฮ้, อาหารกว่างตง, อาหารจีน, ติ่มซำ
幾中意食呢間既小籠包同小菜 . 皇朝小籠包 $118 唔想淨係食原味，可以叫呢個1 set 8款味道嘅皇朝小籠包，顏色吸引，有原味、人蔘、鵝肝、黑松露、芝士、蟹粉、蒜香，川味，我最中意係鵝肝同黑松露味，味道突出之餘，肉汁都幾多，小籠包一定要趁熱食，如果唔係凍咗就會痴底，變得難夾起🙈🙈 . 香辣蒜泥白肉 $75 蒜泥咸咸香香，仲帶點微辣，五花肉卷住青瓜絲，惹味而開胃🥰 . 肉碎乾煸四季豆 $85 味道正正常常，醬汁唔算太咸，而且都炒得幾香💕 . 四川辣子雞丁 每次同事都好中意叫呢個，令我漸漸愛試上，雞粒金黃香脆，撈住好多既辣椒乾，我覺得越食越辣，但怕辣又要繼續食😆😆～ . 三絲春卷 $42 幾香脆，但就餡料少咗少少 . 鮮蝦雲吞豬骨湯 $68 豬骨湯鮮味濃郁，鮮蝦雲吞皮薄餡都幾多，想食清少少就可以叫呢個😎～ . 宮廷驢打滾 $42 一定要食埋甜品😆😆😆糯米粉團軟糯清涼，沾滿黃豆粉，香氣十足，中間嘅紅豆蓉亦都唔太甜 . 地址：銅鑼灣波斯富街99號利舞臺廣場6樓
《樂天皇朝》 #食在銅鑼灣 #上海菜 #小龍包 #點心 📍銅鑼灣波斯富街99號利舞臺廣場6樓 【八色小籠包最為搶眼，夠特式！】 今日收工經過利舞臺，見到樓下擺了勁大隻IRON MAN，吸引很多人係度影相，所以就唔諗啦，就上去上面睇下有咩食，結果就揀咗樂天皇朝。 上到六樓門口，望入去環境都好似好有格調， 唔係等咗好耐，就已經有位 ，原來是食特色上海菜。廳面有一個類似荷花池的設計， 近中國風 ，很特別，沒有一般餐廳迫迫夾夾的感覺。 餐牌的選擇也很多，價錢合理，當然多啲人食可以一齊分享不同菜式比較開心啲。 ________________________________________________ 🔸特色皇朝小籠包(八色) $108 據說這是餐廳的得獎名菜，每個小籠包都有不同的味道， 建議食客由原開始食，食到四川的麻辣味，由淡至濃味，真係很特別。 🔸千層油糕 $28 這個油糕其實一啲都唔油 ，還有覺得食千層蛋糕的感覺，一層一層，不是太甜。 🔸清燉雞湯 $62 一個燉盅端上，雞湯夠熱，十分清甜。一啲都不油膩，入面仲有兩舊肉，好養生。 🔸李白醉雞$78 (轉雞腿+$10) 點餐的時候指明要雞髀位，只需要加十蚊，超抵。酒香四溢，雞肉嫩滑，連皮食一流！ 🔸瑤柱芙蓉菜螃蟹 $85 白滑的蛋白配合蟹肉，再加上中間的雞蛋黃，賣相兼備，跟清香的香醋混拌一起，吃多一點也不覺飽滯。 🔸紅燒扣肉豬骨湯拉麵 $75 三件厚厚的扣肉，咬落鬆軟，肥瘦適中。味道濃厚，還滲透著點點的南乳香味，與朋友一人一件分享，就最開心啦！ 🔸桂花酒釀丸子 $35 桂花香和酒釀丸子永遠是我的最愛，清淡兼帶一點甜酒香味。 🔸薑茶黑芝麻湯圓 $35 薑茶味很濃，女生最適合喝，喝後暖身，黑芝麻湯圓大大粒，餡料足。 餐廳服務很貼心，頻頻換碟，賓至如歸，最重要是價錢合理 ， 人均三百元 ，會再幫襯。 ． by VIN 環境分數: 8.5/10 食物分數: 8/10 #traveltobkk
十多年無見的同學突然相約晚飯，心情感覺緊張又興奮。 醉翁之意不在酒，在乎眾人細說過往。選擇飯店一定要寛敞，好讓眾人慢慢聚舊。 利舞臺的樂天皇朝一定是我首選，環境好，服務好，食物好，價錢都好好，抵食。 醉雞 酒味香濃，雞肉結實散發酒香，前菜必選。 小龍包 皮薄餡靚兼爆汁，人氣推薦。 麻醬油菜 生吃油菜原來都好清甜，翠綠爽口，蘸麻醬又另一層次。 京蔥肉絲 味道一般，不夠惹味香口，肉絲調味過甜，就算用了薄餅包裹著也蓋不了那甜味。 擂沙湯丸 爆漿，熱辣辣熨手，外層軟糯，內裡香甜，超正！ #2019復活節
