Meltlyplace

Yuzu 柚子mousse同中間係柚子流心，唔算甜，mousse唔夠滑，中間流心算refresh，但48蚊一個就唔多值囉 #2019情人節

呢間係帝苑蝴蝶酥創辦人開既餅店，蛋黃蝴蝶酥一聽個名已經要買黎試喇!聞落好香咸蛋味，食落酥脆，咸蛋味岩岩好，不過真係好漏，每次食只可以1塊起2塊止!有機會試埋原味!啲蛋糕都好吸引，仲有西瓜蛋糕添，翻兜機會極大!

人多以貌取人，靚嘢通常會欣賞多兩眼。今天行經堅道，見到一間裝潢白雪雪的蛋糕店，感覺優雅，玻璃櫃內的蛋糕五顏六色好吸引，於是乎入內參觀一下。 嘩！紅蘋果，青蘋果、寶盒，粟米.....造型為肖為妙，引唔住買了兩件試下。 粟米味濃郁，口感濕潤，有輕飄飄的感覺。甜度適中不會太甜膩。 另一款青蘋果造型可愛，捨不得食掉啊！軟綿綿，中間是粒粒的蘋果茸，酸酸咪咪，中和蛋糕的甜度，不錯。 蛋糕有水準，但可惜店內欠缺坐位和飲品，只供外賣，感覺有少少浪費咁靓環境。