Sophia Chan
星期六同朋友行經長沙灣 意外發現呢間坐落係街市隔離清新小cafe 店入裝修好清新 俾人一種好fresh 感覺 好舒服 我地忍唔住入左去坐 環境好舒適 呢度係以茶為主題 食物好多都加入左茶ge元素 價錢非常合理 茶食套餐非常抵食 $78有前菜 主食 （面配2個餸）野飲 我地叫左2個茶食套餐同比利時waffle 加左$6叫左花茶 唔同花茶有唔同功效 餐牌上面都寫得一清二楚 好細心 大家可以因應自己ge需要揀番岩自己ge茶 第一個茶餐 菜湯麵 👍🏻面質非常滑而且帶有口感 湯底帶有淡淡茶香 非常好食 清淡得黎又帶有一d柴魚香味 好有層次 冰鎮洛神花車厘茄 👍🏻車厘茄吸收晒洛神花ge味道 酸酸甜甜 好開胃 香茅薑茶脆魚柳 👍🏻魚柳皮薄涵靚 出面炸到金黃色 魚柳仲係好嫩滑 加上淡淡ge香茅薑茶 令整體減少左油膩感 烏龍茶雜菇 👍🏻每一口雜菇同帶有烏龍茶ge味道 估唔到菇原來同茶係咁夾ga 第二個茶餐 柚子煎雞翼 👍🏻雞翼煎到皮脆肉嫩 好juicy 加上柚子醬 更加清新 苿莉花煎豆腐 👍🏻豆腐好嫩滑 茉莉花更能突出豆味 令豆腐味道更加錦上添花 比利時waffle 配2個茶味雪糕（$68） Waffle 口感十足 甜度適中 我好欣賞 茶味雪糕 係其他地方搵唔到ga 我地揀左中紅袍同焙茶 係 又係我最愛ge焙茶 好重焙茶味 好幸福 大紅袍味雪糕 都好有驚喜 茶味濃郁 雪糕滑滑 搞到我想試埋其他味 真係好好食 蘋果花紅茶（熱） 👍🏻店員細心提示要等三分先可以飲用 另外 附上一個漏斗俾大家計時 帶有蘋果味 絕對唔係香精味 好好飲 大家一定要試下花茶 薄菏柚子苿莉綠茶（凍） 👍🏻酸酸甜甜 飲完仲有薄菏味 另一種享受
