華樂冰室

夏日熱辣辣行街行到攰又一身汗，真係拿拿聲搵間茶記坐底嘆下冷氣食下雞脾好過，一入餐廳發現每一枱都真係有件雞脾，當然我都唔汁輸都叫左一份真係估佢唔到，呢個避風塘生炸雞脾真係一試難忙，薯條同雞脾都係新鮮滾熱辣即炸！脆卜卜既雞皮加嫩滑又入味既雞脾肉，完全不能夠同其他茶記既椒鹽炸雞脾比美！而且帶有避風塘嘅蒜香，加十幾蚊配埋個海苔炸薯條 . #traveltobkk

今日又來到摩囉上街食飯，聽同事講話喺街角位有間冰室，所以咪行過嚟試吓囉！ 睇得出間店舖好有歷史兼有點懷舊，似乎好似開業左幾十年嘅老字號冰室。看過餐牌後有四款午餐，點咗個A餐，火腿意粉 $39（意粉可以選擇乾炒，茄汁，黑椒汁或湯粉類別其中一款）。仲配牛油方包，煎蛋或各式多士。除了火腿還有豬扒，豬頸肉，雞扒，雞翼和牛扒選擇 ($44-$46) 包飲料。 上菜速度頗快，火腿乾炒意粉原來真係幾乾身，冇乜味，而且除了火腿之外，什麼配料也沒有，有點失望，希望下次再嚟時揀選茄汁或黑椒汁會好一點。 #2019情人節