Ippudo, Tsim Sha Tsui

今日試吓一風堂的新拉麵。 午飯時候的客人不多，環境也寬濶安靜。 這新的拉麵是蟹味噌拉麵。 送上的前菜是辣芽菜，味道真係辣，只能淺嚐。 蟹味噌拉麵$118 這拉麵賣相吸引，有兩片叉燒、蟹柳和竹筍等。叉燒沒有相片的厚，但肉質十分柔軟肥美，半肥瘦的；蟹鉗是真蟹肉，肉質唔會太韌，味道唔係好鮮甜，但算幾ok的；拉麵上的那－球蟹味噌牛油十分香滑，有濃厚的蟹味，加上湯汁味道濃，－如蟹味濃湯，唔會好鹹，蟹湯是主調，加上味噌的香，配上那掛湯力也不錯的粗身拉麵，再夾上竹筍的爽滑和粟米的甜香，味道還不錯。

今日下雨，昨晚有沒吃晚餐，肚子餓得很，想吃些好吃的，一於豁出去。 午餐時段客人唔多，店內有大量座位，坐得梳落舒適。 雖然這間店的鵝肝沾麵定價較高，看到廣告賣相相當吸引，禁不住要試吓一下。 鵝肝沾麵$178 這鵝肝即叫即煎，雖然面積比較少，但鵝肝煎得甘香柔軟，脂香豐腴，油潤可口，唔會太鹹，加埋黑醋吊味，正！ 叉燒大大片，滿有質感，肉質軟身，唔會太膩口，肥瘦適中；而那鴨肉肉質軟熟帶煙燻味，皮脂爽口，不錯吧！ 沾麵份量十足，配上濃厚鵝肝粟米雞白湯底，湯汁濃厚creamy, 質地少少稠厚，有著雞湯的鮮甜味，，又有粟米的甜香，加上流心旦和粗身彈牙的麵條，麵條有口感，充滿彈性，掛湯力不錯，味道香濃而不膩口，也是比較新的口味，好滋味！ p.s 吃得要快，湯涼了味道沒熱的好。

一風堂 月尾嘅一風堂客人唔多，感覺安靜舒適。 今日試吓新產品-黑咖喱王者拉麵$118 這黑咖喱王者拉麵選配安格斯牛肉，安格斯牛肉有三片，牛肉帶一點厚度，肉質算不上軟身，肉味幾濃，吃嘅係原始牛肉味，可惜溫度係涼的。 黑咖喱拉麵味道相當濃郁，咖喱味很溫和，少少辣，味道很香，拉麵係兩種麵混和而成，一粗一幼，口感不錯，湯底鮮味，唔算太鹹。