Lab 10

平食午市無煙燒肉放題 搵到呢間激平嘅韓式燒肉放題，位置方便喺朗豪坊，作為食肉獸當然唔可以錯過。星期一至五做緊優惠午市套餐75分鐘放題$138/位，平平哋就可以食到飽都幾抵。餐廳主打無煙韓燒，的確唔會燒到成身味。 放題有包26款野食任點，其中有10款肉類(各式牛、豬、雞)，另外有好似翠玉瓜茄子等嘅蔬菜、醃菜、炸物、意粉、飯、湯等，仲包一杯梳打飲品。 肉類方面推薦韓式牛五花，肉質嫩充滿油香，食落有d似肥牛，只係輕輕燒一燒就食得。另外秘製燒汁牛扒同豬肋骨整得幾入味，肉質厚身，食落啖啖肉。甜辣雞翼味道都唔錯，餐廳細心哋已經剪開咗做單骨雞翼，快d熟而且方便食用。 作為牛魔王當然仲要叫埋佢個安格斯牛肉拼盤，只需要Like & Share Facebook就每位都會送一盤，超級抵食。拼盤有3款牛部位包括牛板腱、牛小排同牛肩肉。牛板腱肉質較為爽身，幾特別。至於牛小排同牛肩肉牛味濃郁得黎肉質稔嫩。 如果唔食牛嘅朋友，都有另一款$99 24款野食任點放題。疫情下餐廳亦有出晚市外賣燒肉套餐($298)，下次都可以買返屋企燒。 。 。 Lab 10 @lab10hk 旺角亞皆老街8號朗豪坊10樓26號舖 。 。 #lab10 #韓式燒烤 #無煙放題 #放題 #朗豪坊 #langhamplace #燒肉 #koreanbbq #hkfoodblog #hkfoodlover #hkfoodshare #hkfoodstagram #mongkok #hotpot #lunchset #koreanbeef #allyoucaneat #kaws #村上隆 #supreme

《Lab 10》 #食在旺角 📍旺角亞皆老街8號朗豪坊10樓26號舖 - 韓國野真係食極都唔厭 呢間已經bookmark左一段時間 呢個裝修完全係為左年輕人而設  🔹精選和牛拼盤 $360 有厚切牛舌、首爾牛肋條、牛後腹肉、牛小排 每款各5件  最出色應該係牛肋條 而且調味剛好唔會好咸 包菜食更出色 其次就到牛小排 肉質超軟熟 另外兩款都好味 整體質素幾好 價錢中上 值得一試  🔹韓式豬皮 $88 成日睇韓劇都見佢地燒豬皮好好味咁 所以食親韓燒都會嗌返碟🤭 燒到脆脆地又煙韌  🔹大帶子 $58（2件） 真係幾大隻 每邊燒一陣就食得  店員都好nice有提醒我地幾時反轉  🔹韓式水冷麵 $75 又係因為睇韓劇😂 食完燒肉最後一定要食水冷麵 幾好味 份量唔多 酸酸地易入口好快食哂 配埋青瓜一絕  🔹鰻魚鐵鍋炒飯 $128 影完相就要即刻撈埋佢 如果唔係就會痴底架啦 呢個份量真係比想像中多 食到勁飽都食唔哂 鰻魚都幾多同埋幾肥美   🔹Sour Bomb $35 🔹Thermometer $35 今次食韓燒竟然唔係飲酒 因為呢間主打嘅飲品係果汁類 所以一定要試下  Sour Bomb係有檸檬、西柚、奇異果、蜜糖、生薑 外表平平無奇 但幾好飲  而Thermometer 係藍莓+士多啤梨嘅Smoothie 呢杯就有齊外在美同內在美啦  💬最後仲送左份菠蘿 好甜呀！ 🍴8/10 

一起來做實驗吧！Lab10無煙韓烤 ------------ Lab 10~剩聽個名，直覺以為係飲品店。點知去到先發現，內裡別有洞天，係主打無煙燒烤的韓國菜。 . 相比暗沉沉的餐廳，我更喜歡Lab10明亮舒適的環境格調。每人進食的時侯，可以好似學生做lab時一樣，親自落手落腳，把材料左搞右搞，製成成屬於自己的最佳美食。好玩又好食🤩 . 牛牛板$198 牛牛板係Lab 10招牌菜，因為一個牛牛板可以一次食足牛的7大部位（牛舌、西冷、牛後腹、牛肋條、牛板腱、牛小排、一口牛），滿足貪心又食吾晒咁多既我🥳。個人最中意食牛舌，油脂豐富，肉質嫩滑，而且出面食少少已經好貴，但尼到既牛牛板除左已經包含埋外，仲係厚切架，大愛大愛大愛😆 . 另外，尼度既牛牛吾會好似出面韓燒牛過份調味，大部分牛牛都以最簡單既鹽，胡椒調味，食到牛牛原味道。下次同中學同學唸吾到食咩，不妨試下尼間，一齊重拾中學回憶 . 環境👍🏻👍🏻👍🏻👍🏻 味道👍🏻👍🏻👍🏻 服務👍🏻👍🏻👍🏻👍🏻 價錢👍🏻👍🏻 . Lab 10 (旺角) 旺角亞皆老街8號朗豪坊10樓26號舖 . #lab10 #無煙韓燒 #牛牛板 #hkfood #hkfoodblog #foodporn #food #foodie #foodinstagram #insfood #食後感#食好西 #食尚玩家 #食評 #食記