Yoogane, Sha Tin

成個餐包沙律 炒雞 牛肉 年糕 炒麵 雪糕 每人都系比$200左右 食足75mins 性價比高😏 🌟🌟⭐️🌟🌟 👉🏻烤肉味炒雞 開頭店員會比個2分鐘沙漏我地 等雞熟左之後就可以自己再反轉炒下佢👍🏻 . 餐單寫少辣 但我覺得無咩辣味😢下次去要叫中辣嘅雞試下😌 . 雞肉份量足夠 而且都好嫩滑 🌟🌟🌟🌟🌟 配料👉🏻牛肉 年糕 炒麵 可以簡豚肉或者牛肉 我地簡左牛肉 牛肉味道嘛嘛地 同埋炒完縮左水 變到好細舊🤢 . 年糕有驚喜！年糕入面竟然有芝士😝同埋口感都好煙韌 會為左個年糕再黎呢間餐廳👻 . 炒麵一般 食落好似出前一丁🌝 🌟🌟🌟🌟🌟 👉🏻雪糕(蜜桃芒果味) 雪糕好好食啊 蜜桃同芒果味好足夠 完全無藥水味 可惜食完個烤雞同炒麵已經好飽 淨系食到一碗雪糕🤧 #聖誕2018

最近係沙田新城市廣場開左間韓式鐵板炒雞放題，決定放工同朋友去試試龍與鳳！過到去只係夜晚6點半，見有半個場已經滿左，好誇張！到7點鐘，眼見淨返個半個場都Full埋，大家真係要早d黎揾位！ 環境以木啡色作主調，空間闊落舒服，係一班朋友大快朵頤的好地方！ 睇睇價錢先，佢主要分午餐同晚餐，如果要埋炒海鮮就每人+40蚊。咁今次諗住試埋個雜錦海鮮，因為食炒雞點可以無八爪魚架？題外話，職員真係好Nice，知道我地第一次黎，所以好清楚咁解釋Menu。 餐廳除左大家Order的炒雞，仲準備左多款前菜、熟食、甜品、飲品比大家出去拎。 食韓國野，當然要食泡菜啦，餐廳仲有冷麵、生菜比大家選擇。熟食的種類相當多，當日就有甜辣炸雞、炸魷魚鬚、炒年糕、烤牛肉、燉牛肋骨、泡菜炒五花肉、醬燒豬肋骨、牛肉蘿蔔湯。飲品有兩個櫃，有多不同味道的忌廉溝鮮奶、果汁、茶、汽水、熱咖啡等 主角出場了！由於我唔係好食得辣，所以只係叫左「味噌蜜糖炒雞」。鐘意辣的朋友，可以揀少辣的「烤肉味炒雞」、辣的「柳氏家辣炒雞」、大辣的「炭烤味辣炒雞」。其實大家食晒D炒雞係可以再追加架，不過我地食得太飽，都無再order多D~ 韓國人真係好鍾意食芝士，我另外加左$30要個惹味芝士！個火煲溶芝士，食炒雞同炒麵個點個芝士，令口感更豐富！ 食飽飽，當然係食甜品啦！有好多一口蛋糕、泡芙可以揀，因為食到飽飽地，所以淨係揀左Tiramisu蛋糕同雲尼拿泡芙。Tiramisu的cream唔夠咖啡同酒味，雲尼拿泡芙夠香，不過未解凍得透，入面Cream個底仲有少少硬。 之後見到柳氏家的自家雪糕，寶寶忍唔住了！佢有雲尼拿、朱古力、香芋味。我同朋友Share左一杯朱古力同香芋，朱古力味唔夠朱，但香芋味有驚喜，係香同好味的！ #8月活動

又係一間成日要等位嘅餐廳，今次六點左右避過晚飯人潮，唔使點等位就食得。 柳氏家以半自助形式，我地先叫咗招牌韓式炒辣雞，但係味道同喺韓國食的差好遠，食唔到炒辣雞的甜和辣混合味，亦都得好少材料。反而自助的小食仲好食！