雞蛋仔之專門店

大埔名格仔餅 早排去了大埔掃街，去完買燒賣粉果，轉個灣入昌運中心，就會叫到一間雞蛋仔小吃店。 呢到無座位，全部都是外賣。主要有雞蛋仔同格仔餅，除了味道多選擇多，更是即叫即整，新鮮熱辣辣。 金莎朱古力格仔餅的餅底已經是朱古力味，加上內裏的榛子朱古力，只聽到都流口水。由於新鮮整好的格仔餅，內外有少少脆口，夾住的榛子朱古力醬非常幼滑，不會有一舊舊的醬，加上一粒粒舖得平均的榛子粒，為格仔餅添了點口感。 冷糕真係買少見少，我自己都係第一次食冷糕，所以都比較唔到。雖然冷糕有個冷字，不過我收到的冷糕也是新鮮整好，仲係暖暖的。 冷糕入面包住好多花生椰絲碎，食落有點似甜薄撐。你話佢好食都係的，但我覺得大家都係吃回憶為主。 另外一提，每份雞蛋仔/格仔餅都可以以套餐價配一杯台式飲品。雖然飲品就無咩特別，不過解下渴都OK的。

傳統小食真是買少見少！「冷糕」、源於六七十年代的潮洲小食到現在只剩下少量檔有賣, 外層香脆似雞蛋仔，入面餡夾花生、芝麻、砂糖同椰絲，雖然改良了變成細件，但是味道還不錯而且餡料十足，路過附近，一試冇妨。