Canetti Chung
🤩榴槤控也瘋狂~!🤩 榴槤呢樣野真係好有魔力，一食就唔想停，前排同朋友一齊去榴槤樂園食榴槤大餐~ 話明大餐，當然有齊頭盤、主菜、同甜品啦！ 🥤啖啖貓山王奶蓋 ($68) 茉莉花茶底，加上榴槤打成嘅奶蓋，第一啖有重重嘅芝士味，然後有少少榴槤嘅香，開頭飲覺得芝士味比較重，不過飲到一半就feel到榴槤嘅味道，加上茉莉花茶中和返，飲曬成杯都唔會膩~ 🥤頂級貓山王奶茶($68) 呢個嘅榴槤味比奶蓋出，第一啖已經feel到，整體感覺係比較重身，平時鍾意食濃味食物嘅，呢個會比較啱~ 🥧榴槤芝心撻($25) 芝心撻分左常溫撻同凍撻兩個選擇，凍撻嘅心裡面，係雪實左嘅榴槤芝士，咬落去比較似雪糕，而常溫撻嘅榴槤味比較重，加上芝士味，又估唔到味道夾到wor~ 🍕貓山脆卜卜($68) 榴槤我就食得多，榴槤Pizza就真係第一次，佢嘅餅底脆卜卜，最底舖一層芝士，面頭加上parma ham、提子乾同蕃茄，而主角榴槤，主要集中係中間，食落去好似食餅咁，口感好特別，雖然parma ham重味，不過又唔會蓋過榴槤嘅香，味道都幾balance 🍦冰火榴住我($68) 榴槤聖代！最面頭係大大球榴槤雪糕，中間係浸過咖啡嘅海棉蛋糕，然後再俾好多好多cream包圍，旁邊仲有杯Espresso中和返個甜味，不過個人黎講就麻麻地食cream，所以就覺得cream少d就好啦~ 📸店鋪裡面仲有好多打卡位，榴槤控真係會玩到流連忘返！ 榴槤控唔好錯過啦！ 。 。 。 🍎🍓🍣🍑🍊🌭🍯🍈🥝🥗🍏🥒🥦🍭🍠🍇🍆🍙 🍩 。 。 🏠：榴槤樂園 📍：尖沙咀金巴利道92號地下 ☎️：92838108 味道：😋😋😋😋 環境：😋😋😋😋 服務：😋😋😋😋 價錢：😋😋😋 衛生：😋😋😋😋 CP值：😋😋😋 (5😋滿分) #traveltobkk
