DK1885

「消失的舊時光，一九四三。」時代不斷進步， 回憶隨住科技既演變，可能逐漸變得模糊。 兒時果份童真、感情都變得不再重要，唯獨味道 你係會記得清清楚楚。對越南菜黎講，人氣係 香港絕對係持續高企，而市面上既越南菜餐廳 亦主要港式南越口味。要食得夠尖，當然咩都 要試一試啦，咁大個仔都係第一次試北越菜， 呢種菜式主要講求清而不淡，鮮而不濃， 對食材既原味道一絲不苟。所以今次灣仔呢間 「DK1885」令我大開眼界，對亞洲飲食 文化既認識增進不少！👇 - 📌香草野菜燒牛柳沙律 - $88 👉泰式沙律食得多，你都厭啦，不如整返個 北越式既沙律。見到外面包住哂厚厚既牛柳， 真係口水都流埋，每一塊都燒得色澤均勻。 而牛柳食落有咬口之餘，唔會太過生， 有血水果種，入口軟腍相當彈滑。撈埋 沙律菜一齊食，口感清爽又唔單調， 開胃菜黎講呢個食得過。 - 📌香辣香茅爆炒雞腎 - $68 👉今朝有酒今朝醉，咁都要有野送酒先得既， 香辣脆口野就最岩啦。呢個炒雞腎用左大量 香茅炒過，所以每粒雞腎都非常香辣惹味， 口感爽脆。真係同普通既越南菜好唔同， 幾有驚喜。 - 📌香辣香葉炒藍貝 - $168 👉藍青口就食得多，藍貝都係第一次試， 佢既SIZE相對細隻d，但份量就比到足。 而藍貝主要來自法國，細貝殼黎講， 又食到啖啖肉，唔錯。而大廚加左魚露、 香茅、辣椒一齊炒到入哂味，但同時亦 食到藍貝既鮮甜味，值得一試！ - 📌海防蟹肉湯金邊粉 - $108 👉要大讚既係佢地既金邊粉同係香港食開既 完全唔同，餐廳以人手自家製。唔怪得每條做到 粗身厚實，咬落有趙口，煙韌幼滑。而湯頭用 大量蝦蟹熬煮而成，所以味道非常濃郁， 一撈個面就見到好多蟹肉，香口得黎份量比足， 抵讚；而另一邊就撈到越式油炸鬼、魚餅、豆卜， 食落脆脆地，吸收埋湯底，口感好鬆化， 真係有別一番既風味！

越南菜也有分地區性，芽莊，河內.....各有特色。今晚友人介紹了一間正宗河內菜式的越南菜館，位於灣仔離地鐵站非常近，方便。 蓮藕心鮮蝦沙律 蓮藕心好特別的素材，清爽有嚼感。配合各種沙律菜，酸酸咪咪，開胃的前菜。 牛油雞翼 鷄翼好大隻，啖啖肉，外脆內軟，牛油香氣樸鼻。伴以炸蒜粒，惹味十足。 椰漿叻沙葉煮花螺 對我來說這道菜非常新奇，從末試過。精粹在於椰漿叻沙葉醬汁，椰香飄溢，帶微辣，用作伴飯或粉類相信無得輸！花螺軟熟，蘸著醬汁，一隻接一隻，停不了口。 魚露燒豬腩伴檬粉 豬腩肉切得好薄，半肥半瘦，吃起來並不肥膩，香口。將白雪雪檬粉，加入兩三湯羹的魚露，青瓜片，紅蘿蔔片和豬肉片，混在檬粉一起，層次豐富，清新開胃。