Retty
ราเมง, อาหารฮ่องกง
一早就聽過永年呢個名，傳說喺元朗中最好食嘅車仔麵，咁遠水路，無啦啦點會去，不過銅鑼灣而家都有啦！ 三餸車仔麵 ($43) 車仔麵嘅經典，點少得豬紅蘿蔔！ 豬紅要做得冇腥味，要洗要針要炒，工序都唔少，呢度嘅豬紅不單止冇腥味，仲彈滑軟淋，識食一定要食豬紅！蘿蔔都炆得好入味，夠淋，而且食落去冇渣，湯底夠濃，好食！ 第三樣餸我揀咗流心蛋，或者蛋白加埋流心嘅蛋黃，識食就要成隻蛋一啖食，一咬落去爆d蛋黃汁出嚟嘅快感😏yummmmm~😋 . 紅豆奶茶冰 (跟餐+$15) 紅豆冰就飲得多，不過配奶茶就真係未試過，紅豆沙沙的，唔係就咁放紅豆入去，呢個要讚！加埋香滑嘅奶茶，味道好特別！不過個人來講呢都係鍾意飲返傳統嘅唔夠冰多啲😋 鮮油多士 ($16) 多士烘底真係無得輸，熱辣辣嘅多士加埋凍冰冰嘅牛油，超級邪惡！要趁熱食啊，凍左就唔好食！
平時係銅鑼灣翻part time都係食下快餐就算，今日同事話想試下食永年士多既車仔麵，就1230即刻出去食，怕要等得耐😂😂 ❤️5餸車仔麵 $61 價錢唔算平，算係高級版既車仔麵。湯底飲落去冇死咸冇味精，仲有d甜甜地既味，正！ 麵底要左河粉，份量正常。 見到有平時車仔麵冇既流心蛋就即叫，蛋本身冇味所以一定要連埋D湯一起食，勁正！ 豬紅份量多，唔散唔臭，好食！ 豬腸清得超乾淨，冇陣臭味，小小肥，幾好咬口，必食！ 魚蛋係陳皮魚蛋，索哂d辣湯，勁刺激🙈 豆卜唔係空心個款，係扁身個隻，同樣吸湯😆 ❤️咖咉班蘭多士 $16 d醬超多，偏甜味，ok值得一試。 ❤️抹茶紅豆冰 $15 抹茶控必點！好夠甘味，紅豆又超多，估唔到食車仔麵可以飲到甘高質既飲品🤣 #traveltobkk
#traveltobkk 行過尖沙咀，特登要食永年士多。 等咗一陣，好好彩有位，咁就可以埋位一試啦。 雖然排隊買飛等咗陣，不過更加證明佢係有真材實料 我地兩個人都各叫咗五寶麵，呢度嘅魚蛋係陳皮魚蛋，比起一般嘅車仔麵大魚丸唔同，更好咬口，更有彈性。 另外，豬紅係甜嘅，呢個真係好少有，其他車仔麵檔都未試，唔怪得佢有信心做四寶推介。 蘿蔔都係甜嘅，係我第三檔食到甜蘿蔔嘅車仔麵檔，豬皮都好入味。 另外，我地叫咗菠蘿冰同樽仔奶茶，個奶茶茶味好濃，夠哂港式茶記味道。
