「放在糖果旁的是我，很想回憶的甜。」
要尋找甜蜜感覺，唔一定要係另一半身上先搵到既，
同朋友一齊食甜野都可以感受到咖。今次就黎到
銅鑼灣呢個大型既室內溫室「Greenhouse」，
呢到感覺好似去左個後花園，擺滿哂綠色既
植物裝飾，樓底又夠高，坐都坐得特別舒服！
就算係一大班人去都一樣咁FUN！👇
-
📌黑毛豬泡飯 - $118
👉以韓式泡飯風味做主題，一整片豚肉鋪滿哂係
個飯既表面，然後自己因應需要再淋上呢個鴨肉
湯醬汁，幾有特色。而餐廳用既豬腩肉都係由
韓國出產，所以入口甘香軟腍，肥瘦適中，
配搭埋on top既泡菜真係撈多幾碗飯都無難度呀。
-
📌照燒牛肉鵝肝煎蛋飯 - $168
👉真係大大舊鵝肝貨真價實擺係你眼前，
舊時就有電視撈飯姐，而家我諗唔洗啦掛。
而鵝肝煎得夠脆口，油香十足，太陽蛋煎得
好靚仔，金光閃閃既蛋黃搞到我唔忍心篤穿佢呀。
配搭埋附送既照燒汁，撈埋一齊食就最夾啦。
-
📌香蕉火焰焦糖燉蛋 - $88
👉呢到既燉蛋一定要試，皆因賣相夠哂搶眼，
店員會係你面前淋上酒精，經燒過既燉蛋聞落
有陣陣既焦香味。而旁邊倒埋杯espresso令質感
變得更加淋身香滑，再加上面頭鋪滿哂香蕉，
兩者甜味相夾但唔會相減，真係好食到不得了！
-
📌熱炙朱古力布朗尼 - $78
👉甜品點少得我最愛Brownie！將熱溶溶既朱古力
倒滿哂成個蛋糕，表面質感軟綿唔會話太實岩岩好。
第一啖食落朱古力味好濃郁，而甜度適中，配搭
雜莓仲夾雜少少生果既甜味，唔錯。一啖蛋糕
一啖雪糕，享受住凍與熱之間既快感！
