【湯•米】
📌將軍澳帝景灣商場1樓40號舖
之前去過帝景灣食飯，日式台式越南每樣有啲～
呢次去左主打台式臭臭鍋既湯•米~
鍋物選擇不少，Menu上有9款，
招牌臭臭鍋同沙茶牛肉鍋應該係最受歡迎，
唔夠喉可追加海鮮，人均$120，整體黎講幾抵食。
《招牌臭臭鍋 $98》
每個鍋本身已經包左好多材料！
比較特別既有滷大腸、鴨血、臭豆腐。
先講湯底，一上枱唔覺得臭，係屬於越食越入味嗰種。
滷大腸有3-4件，乾淨爽口無臭味。
最有驚喜係個臭豆腐，同其他鍋既豆腐係唔一樣。
雖然未去到台灣臭豆腐既味道，
但呢度都係聞著臭，吃著香，
再浸埋入味既粉絲真係幾好味🤤
《沙茶牛肉鍋 $97》
同樣有牛肉、牛丸、豆腐、炸枝竹、菇類、娃娃菜等配料。
呢個鍋主要係食個沙茶醬湯底，
可以再加辣，喜歡食辣既人應該會覺得幾正。
滾起後既沙茶醬味道更加香濃，
牛肉份量好多，連埋炸枝竹好腍好入味。
《芝士凍頂烏龍 $35、滿杯紅柚子 $36》
芝士奶蓋口感夠濃厚，咸香控制得不錯；
紅柚子嗰杯有d似沙冰，酸酸甜甜，好適合解渴。
———————————————————————————
美味指數：⭐️⭐️⭐️⭐️
抵食程度：⭐️⭐️⭐️⭐️
回頭率：⭐️⭐️⭐️⭐️
Iris Tsang
